پارلامەنت • 28 قازان، 2020

سەنات دەپۋتاتتارى رەسپۋبليكالىق بيۋدجەتتى قارادى

19 رەت كورسەتىلدى

سەناتتىڭ قارجى جانە بيۋدجەت كوميتەتىنىڭ كەڭەيتىلگەن وتىرىسىندا دەپۋتاتتار "قازاقستان رەسپۋبليكاسىنىڭ ۇلتتىق قورىنان 2020-2022 جىلدارعا ارنالعان كەپىلدەندىرىلگەن ترانسفەرت تۋرالى" زاڭعا وزگەرىستەر ەنگىزۋ تۋرالى" زاڭ جوباسىن تالقىلادى، دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.

كوميتەت توراعاسى ولگا پەرەپەچينا زاڭ جوباسىندا ۇلتتىق قوردان 2020 جىلعا ارنالعان رەسپۋبليكالىق بيۋدجەتتە 4 770 ملرد تەڭگە سوماسىندا كەپىلدەندىرىلگەن ترانسفەرت مولشەرى بەلگىلەنگەنىن حاباردار ەتتى.

سەناتورلاردىڭ ايتۋىنشا، زاڭ جوباسى مەملەكەتتىك كىرىستەر مەن شىعىستاردىڭ تۇراقتىلىعىن قامتاماسىز ەتۋگە مۇمكىندىك بەرەدى، بۇل بيۋدجەتتىك ينۆەستيتسيالىق جوبالاردى ىسكە اسىرۋعا جانە ەل ەكونوميكاسى دامۋىنىڭ بولجامدى كورسەتكىشتەرىنە قول جەتكىزۋگە ىقپال ەتەدى.

كوميتەت وتىرىسىندا "2020-2022 جىلدارعا ارنالعان رەسپۋبليكالىق بيۋدجەت تۋرالى" قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى دا قارالدى.

سەنات دەپۋتاتتارى كوروناۆيرۋسقا قارسى كۇرەس، ەكونوميكالىق تۇراقتىلىقتى قامتاماسىز ەتۋ، "نۇرلى جول" جانە "نۇرلى جەر" مەملەكەتتىك باعدارلامالارى اياسىندا ەكونوميكانىڭ ناقتى سەكتورىن قولداۋ، اگروونەركاسىپ كەشەنىن دامىتۋ جانە يندۋستريالىق-يننوۆاتسيالىق دامۋ جونىندەگى شارالاردى قارجىلاندىرۋ ءۇشىن رەسپۋبليكالىق بيۋدجەتتى ناقتىلاۋ جۇزەگە اسىپ جاتقانىن ايتتى.

قارجى جانە بيۋدجەت كوميتەتى وسى زاڭ جوبالارىن پالاتانىڭ قاراۋىنا جىبەردى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار