"ەڭبەك رەسۋرستارىن دامىتۋ ورتالىعى" اق-دا (بۇدان ءارى – ەردو) اتاپ وتكەندەي, اعىمداعى جىلدىڭ شىلدە ايىندا بوس جۇمىس ورىندارىنىڭ ەڭ از سانى ورنالاستىرىلعان – 44,4 مىڭ, بۇل 5 شىلدەدەن 3 تامىزعا دەيىن قوسىمشا كارانتيندىك شارالاردى ەنگىزۋگە بايلانىستى بولۋى مۇمكىن. بىراق بىرتىندەپ جەڭىلدەگەننەن كەيىن سۇرانىستىڭ ءوسۋ تەندەنتسياسى بايقالدى.
"تۇيىندەمەنى ورنالاستىرۋ بويىنشا دا وسىنداي ديناميكا بايقالدى. ماسەلەن, 2020 جىلدىڭ شىلدەسىنە 32,3 مىڭ بولدى, بىراق III توقساننىڭ قورىتىندىسى بويىنشا جۇمىس ىزدەپ جۇرگەن 123,1 مىڭ مامان بار بولىپ شىقتى. تەك توقسانعا عانا ەمەس, سونىمەن قاتار سوڭعى 12 اي بويىنشا دا قىركۇيەك ايىندا ەەب-دا ەڭ كوپ – 47,3 مىڭ تۇيىندەمە ورنالاستىرىلعان", – دەدى ەردو بولجاۋ دەپارتامەنتىنىڭ ديرەكتورى دميتري شۋمەكوۆ.
بىلىكتى قىزمەتكەرلەرگە ەڭ كوپ قاجەتتىلىك نۇر-سۇلتان (23,2 مىڭ بوس ورىن) جانە الماتى (19,3 مىڭ) قالالارىندا, سونداي-اق قوستاناي (19,1 مىڭ) جانە قاراعاندى (17,6 مىڭ) وبلىستارىندا بايقالدى. اتىراۋ, ماڭعىستاۋ, قىزىلوردا, تۇركىستان جانە جامبىل وبلىستارىندا تۇيىندەمەلەر سانى ۇسىنىلعان ۆاكانسيالار سانىنان باسىم ەكەنى بايقالادى. اتىراۋ وبلىسىندا 100 بوس ورىنعا 220 تۇيىندەمە, قىزىلوردا وبلىسىندا – 180 تۇيىندەمە, ماڭعىستاۋ وبلىسىندا – 142 تۇيىندەمە كەلدى.
ايتا كەتۋ كەرەك, كاسىبي توپتار بويىنشا كاسىپقوي ماماندار ەڭ بەلسەندى توپ بولىپ تابىلادى, ولاردىڭ سۇرانىسى تۇتاستاي ۇسىنىسقا سايكەس كەلەدى. ەەب-دا ونەركاسىپ, قۇرىلىس, كولىك جانە باسقا دا ۇقساس سالالار ءۇشىن 40 مىڭنان استام ۆاكانسيا ورنالاستىرىلدى. ەردو ساراپشىلارىنىڭ پىكىرىنشە, بۇل توپقا سۇرانىس "جۇمىسپەن قامتۋدىڭ جول كارتاسى" باعدارلاماسىن جۇزەگە اسىرۋمەن بايلانىستى. بۇل رەتتە جول جۇمىسشىسى ماماندىعى وتكەن توقسانداعىداي رەسپۋبليكا بويىنشا تاپشى ماماندىقتار قاتارىندا تۇر. مۇندا 4,8 مىڭ ادام جەتىسپەيدى.
