قانداستار ماسەلەسى تالقىلاندى

جيىنعا توراعالىق ەتكەن مۇرات باق­تيا­ر­ ۇلى الدىمەن كوميسسيانىڭ جاڭا مۇشەلەرىن تانىستىردى.

ودان كەيىن اقمولا وبلىسى «نۇرلى كوش» (كراسنىي يار) اۋى­لىنداعى قانداستارعا سالىن­عان ۇيلەردىڭ زاڭداستىرۋ ماسەلەسىنە توقتال­دى. وسى ورايدا  اقمولا وبلىسى اكىمىنىڭ ورىن­باسارى اسقار مۇرات ۇلى بۇعان دەيىن اتقا­رىل­عان جۇمىستاردى باياندادى. سونىمەن بىرگە قانداس­تارعا پاتەر الۋ ءۇشىن قويىلعان تالاپتاردى ءتۇسىندىردى.

قازاقستان بويىنشا وبلىستاردا, ونىڭ ىشىندە ەلدى مەكەندەردە اۋىل­شارۋاشىلىق ماقساتىندا قولدانۋعا جارامدى, بوس جەر تەلىمدەرى جانە ولار­دى ەرىكتى قونىس اۋدارۋشى قان­­داستارعا بەرۋ ما­سە­لەسى دە كوميسسيا وتىرىسىندا ءسوز بولدى.

قولدانىستاعى مەملەكەتتىك باع­دارلامالار اياسىندا سولتۇستىك وڭىر­لەردەگى قانداستارعا قاتىستى ۇزاق­مەرزىمدى تۇراقتى كوشى-قون سايا­ساتىن جانداندىرۋ مۇمكىندىكتەرى دە كوميس­سيا نازارىنان تىس قالعان جوق. سونى­مەن بىرگە سولتۇستىك قازاق­­ستان وبلىسى جۇ­مىسپەن قام­تۋدى ۇيلەستiرۋ جانە الەۋمەتتiك باعدار­لامالار باسقارماسىنىڭ باسشىسى الماز قوشمانوۆ ايماققا شەتەلدەردەن قونىس اۋدارۋشى قان­داستاردى ءۇي-جايلارمەن قام­تاماسىز ەتۋ جانە بەيىمدەلۋىنە جاردەمدەسۋ باعىتىندا اتقارىپ جاتقان ءىس-شارالار جايىن بايانداپ بەردى.

قوعامدىق كوميسسيانىڭ قورى­تىندىسى بويىنشا شەتەلدەگى وتانداستاردى جانە قازاقستانعا ەرىكتى تۇردە قونىس اۋدارعان قان­داستاردى قولداۋ شارالارى جونىندە ۇسى­نىستار بەرىلىپ, سونداي-اق قانداستار ماسە­لەلەرىنە قاتىستى باسقا دا سۇراق­تار تالقى­لانادى.