وتىرىسقا ساياسي پارتيالار, ىشكى ىستەر مينيسترلىگى, «ازاماتتارعا ارنالعان ۇكىمەت», سىرتقى ىستەر مينيسترلىگى, بەينەكونفەرەنتسيا ارقىلى اۋماقتىق سايلاۋ كوميسسيالارى مەن وبلىستاردىڭ, نۇر-سۇلتان, الماتى جانە شىمكەنت قالالارى اكىمدەرى اپپاراتتارىنىڭ باسشىلارى جانە بۇقارالىق اقپارات قۇرالدارىنىڭ وكىلدەرى قاتىستى.
كۇن تارتىبىندەگى ماسەلە بويىنشا ءسوز العان كوميسسيا توراعاسىنىڭ ورىنباسارى كونستانتين پەتروۆ سايلاۋشىلار ءتىزىمىن جاساقتاۋدىڭ رەتىن ءتۇسىندىردى.
«سايلاۋشىلار تىزىمدەرىن قالىپتاستىرۋ پروتسەسىن ەندى اۋماقتىق سايلاۋ كوميسسيالارى باقىلايدى, ولار اكىمدىكتەر ۇسىناتىن تىزىمدەردىڭ «جەكە تۇلعالار» دەرەكتەر قورىمەن سايكەستىگىن انىقتاپ, جەرگىلىكتى اتقارۋشى ورگاندارمەن پىسىقتايدى. 2020 جىلعى 1 قازانداعى جاعداي بويىنشا سايلاۋشىلار تىزىمىنە 11 820 318 ازامات ەنگەن. سايلاۋشىلار ءتىزىمىن دەرەكتەر قورىنىڭ نەگىزىندە قالىپتاستىرۋ وسىعان دەيىنگى كەيبىر كەمشىلىكتى جويادى. بۇرىندارى ءبىر ازامات وڭىرلىك بىرنەشە تىزىمدە كورسەتىلىپ, سوڭىندا ەشقايسىسىندا بولماي شىعاتىن ەدى», دەدى ك.پەتروۆ.
بەلگىلى بولعانداي, سايلاۋشىلاردىڭ تۇرعىلىقتى جەرى بويىنشا ءتىزىمىن ءتيىستى جەرگىلىكتى اتقارۋشى ورگان جاسايدى. وعان رەسپۋبليكانىڭ سايلاۋ قۇقىعى بار 18 جاسقا تولعان, ارەكەتكە قابىلەتتى, باس بوستاندىعىنان ايىرۋ ورىندارىندا وتىرماعان ازاماتتارى ەنگىزىلەدى. ناقتى ءبىر سايلاۋ ۋچاسكەسىندە تىركەلۋ ءۇشىن ازامات سول سايلاۋ ۋچاسكەسىنىڭ اۋماعىندا تۇرعىلىقتى جەرى بويىنشا تىركەۋدە بولۋى كەرەك. ال ۋاقىتشا تىركەلگەن ازاماتتار سايلاۋشىلار تىزىمىنە جەرگىلىكتى اتقارۋشى ورگاندارعا ءوتىنىش ارقىلى ەنە الادى. تىركەلمەگەن كۇننىڭ وزىندە 10 جەلتوقسانعا دەيىن داۋىس بەرۋ ۋچاسكەسىن تاڭداۋعا مۇمكىندىك بار. سونداي-اق ازاماتتاردىڭ تىركەلگەن جەرى بويىنشا سايلاۋعا كەلە المايتىنى بەلگىلى بولسا, ءوتىنىش جازىپ, باسقا ۋچاسكەگە اۋىسا الادى. بۇل رەتتە جەرگىلىكتى اتقارۋشى ورگان ازاماتتى تىركەلگەن جەرى بويىنشا سايلاۋشىلار تىزىمىنەن شىعارىپ, داۋىس بەرەتىن ۋچاسكەنىڭ تىزىمىنە وزدەرى ەنگىزەدى.
اكىمدەر سايلاۋشىلار ءتىزىمىن داۋىس بەرۋ باستالعانعا دەيىن جيىرما كۇن بۇرىن, ياعني 20 جەلتوقساننان كەشىكتىرمەي اكت بويىنشا ۋچاسكەلىك سايلاۋ كوميسسياسىنا ەلەكتروندى تۇردە جانە قاعازعا شىعارىپ, ال اۋماقتىق كوميسسياعا ەلەكتروندى نۇسقادا ۇسىنۋى كەرەك.
ءاربىر ازامات تىزىمدەگى ءوزى تۋرالى دەرەكتەردى تەكسەرۋگە, تىزىمگە ەنگىزىلمەگەنى نەمەسە شىعارىلىپ تاستالعانى تۋرالى, ودان بولەك دەرەكتەردە جىبەرىلگەن دالسىزدىكتەر تۋرالى شاعىم جاساۋعا قۇقىلى.
رەسپۋبليكا بويىنشا ازاماتتاردىڭ ۋاقىتشا مەكەنجايى بويىنشا قۇرىلعان 558 ۋچاسكە بار. مۇنداي ۋچاسكەلەر بويىنشا سايلاۋشىلار ءتىزىمى داۋىس بەرۋگە 5 كۇن قالعاندا جاسالىپ, 1 كۇن قالعاندا ناقتىلانۋعا ءتيىس. بۇل سايلاۋ ۋچاسكەلەرى دەمالىس ۇيلەرىندە, ساناتوريلەردە, تۇراقتى ەمدەۋ-پروفيلاكتيكالىق مەكەمەلەرىندە, شالعايداعى جانە قاتىناسۋ قيىن اۋدانداردا ورنالاسقان ازاماتتار تۇراتىن جەرلەردە, الىس مال شارۋاشىلىعى ۋچاسكەلەرىندە, تەرگەۋ يزولياتورلارى مەن ۋاقىتشا ۇستاۋ يزولياتورلارىندا, قازاقستان رەسپۋبليكاسىنا تيەسىلى سايلاۋ كۇنى اشىق سۋدا جۇرگەن كەمەلەردە جانە اسكەري بولىمدەردە قۇرىلعان. 51 ەلدەگى قازاقستان رەسپۋبليكاسىنىڭ شەت مەملەكەتتەردەگى وكىلدىكتەرى جانىنان اشىلعان 66 سايلاۋ ۋچاسكەسى تاعى بار. بۇل جەردە شەت مەملەكەتتە تۇراتىن, ۇزاقمەرزىمدى ءىسساپاردا جۇرگەن جانە رەسپۋبليكا ازاماتىنىڭ پاسپورتى بار وتانداستارىمىز داۋىس بەرە الادى.
وتىرىس بارىسىندا ورتالىق سايلاۋ كوميسسياسىنىڭ اقپاراتتىق-تەحنيكالىق ورتالىعىنىڭ ديرەكتورى قانات ارساقباەۆ ۆەدومستۆولىق جۇيەلەردى ينتەگراتسيالاۋ, اۋماقتىق سايلاۋ كوميسسيالارىمەن تەحنيكالىق ءوزارا ءىس-قيمىلدى قامتاماسىز ەتۋ, سايلاۋشىلار تىزىمدەرىنىڭ تولىقتىعى مەن دۇرىستىعىن باقىلاۋدى جۇزەگە اسىرۋ بويىنشا جۇرگىزىلگەن جۇمىس تۋرالى ايتىپ بەردى. ودان بولەك ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ ازاماتتاردى تۇرعىلىقتى جەرى بويىنشا ەسەپكە الۋ جانە تىركەۋ بويىنشا اعىمداعى جاعداي تۋرالى باياندادى.
وبلىستىق, رەسپۋبليكالىق ماڭىزى بار قالالار جانە ەلوردا اكىمدەرى اپپاراتتارىنىڭ باسشىلارىنا دا ءسوز بەرىلدى. ولار سايلاۋشىلاردىڭ ءتىزىمىن جاساۋ ساپاسىن ارتتىرۋ جانە call ورتالىقتاردى ۇيىمداستىرۋ بويىنشا جۇرگىزىلىپ جاتقان جۇمىستار تۋرالى حابارلادى.
وتىرىستى قورىتىندىلاي كەلە, ورتالىق سايلاۋ كوميسسياسىنىڭ توراعاسى بەرىك يماشەۆ سايلاۋشىلاردى قۇقىقتىق ساۋاتتىلىق تانىتىپ,
10 جەلتوقسانعا دەيىن زاڭدا بەلگىلەنگەن مەرزىمدە سايلاۋشىلار تىزىمىندە بار-جوعىن انىقتاۋعا شاقىردى. سونداي-اق ول جەرگىلىكتى اتقارۋشى ورگاندارعا تۇرعىلىقتى مەكەنجايى بويىنشا داۋىس بەرۋگە قۇقىلى بارلىق ازاماتتىڭ تىزىمگە ەنۋىن قاداعالاۋدى ەسكەرتتى.
وتىرىس قورىتىندىسى بويىنشا ارنايى قاۋلى قابىلداندى. وعان سايكەس اكىمدەر كەلىپ تۇسكەن بارلىق وتىنىشتەردى ەسكەرە وتىرىپ, سايلاۋشىلاردىڭ ناقتى ءتىزىمىن جاساۋعا مىندەتتى. سونداي-اق جەرگىلىكتى اتقارۋشى ورگاندار ازاماتتاردى سايلاۋشىلار تىزىمىنە ەنگىزۋ تۋرالى اقپاراتتاندىرۋ ءۇشىن ونلاين سەرۆيستەر مەن سall ورتالىقتار ۇيىمداستىرۋى قاجەت.
