ايماقتار • 28 قازان، 2020

ۇيات پا، ۇيات ەمەس پە؟

1019 رەت كورسەتىلدى

الماتىداعى اباي داڭعىلى مەن اۋەزوۆ كوشەسىنىڭ قيىلى­سىنداعى كوپقاباتتى ءۇيدىڭ قابىرعاسىنا «قيسايتىپ» سالىنعان ۇلى دانىش­پاننىڭ مۋرالىنا كوزىمىز ۇيرەنبەي-اق قويدى... ناقتىلاساق – كەزىندە قولدانىستان تۇسكەن 20 تەڭگەلىك بانكنوتتى تىگىنەن «تۇرعىزىپ» بوياپ سالعان دەمەۋشى، ياكي جەبەۋشى «كوزدەگەن» ارمانىنا جەتكەن-اۋ دەگەن ويدا قالامىز! ويتكەنى...

سۋرەتتى تۇسىرگەن نۇرمانبەت قيزات ۇلى

اۆتوبۋس پەن تروللەيبۋس ايا­لدا­ماسى، مەترو بەكەتى، ءبارى – وسىن­دا. سول سەبەپ­تى، شاھار تۇرعىن­دارى مەن قوناقتارى شو­عىر­­لانعاندا ءبارىنىڭ كوزىنە بىر­دەن تۇسەتىن كورىنىستى ادەيى جاسال­عان كەلەمەج دەمەسكە ءۋاج تاپ­پايسىڭ. ايتپەسە، ۇلى اقىننىڭ 175 جىلدىق مەرەيتويى ۇستىندە «20 تەڭگەنى» ج ۇلىپ تاستاپ، جاڭا مۋرال سالۋعا ۋاقىت تا شاش ەتەكتەن جەتتى. «اتاكەنت» پا­ۆيلو­نى الدىنداعى ساباننان سالىن­عان شومەلە-ءتيىننىڭ شاشباۋىن كوتەرەمىز دەپ شارشاپ ءجۇ­رىپ، قالالىق اكىمشىلىكتەگى ما­دە­نيەت باسقارماسىنىڭ بىر­نەشە باسشىسى اۋىستى. سول شىركىن­دەردىڭ، ەڭ بولماسا، مۋرالداعى اباي­دىڭ بەينەسىن كوپە-كورىنەۋ «قيسايت­پاي» – جانتايتىپ كەسكىندەۋگە دە شامالارى جەتپەي كەتتى...

ەڭ سوراقىسى، مۇنى دا ادەيى جاسالماعان دەۋگە ءداتىڭ بارمايدى: اش­كەرەلى بانكنوت سالىنعان بيىك ءۇي­دىڭ قاسىنداعى ەكىنشى ءزاۋلىم عي­ما­راتتا ۇلكەن ارىپتەرمەن باتتيتىپ «ۇيات ەمەس» دەپ جازىلىپ قويىل­عان!!! بۇلا­رى – بەينە ۇلى اقىن­نىڭ «قيسايتىپ» سالىن­عان سۋرەتى ۇيات ەمەس دەگەن «اقتالۋ» ىسپەتتى!

«...جاس بالا قىزىل شوقتان قورقۋ­شى ەدى، بۇلار توزاقتان دا قورىق­­پايدى ەكەن. جاس بالا ۇيالسا جەر­گە ەنە جازداۋشى ەدى، بۇلار نە­­دەن بولسا دا ۇيالمايدى ەكەن» دەگەن ۇلى اقىننىڭ بەسىنشى ءسوزى سانا­نى سىلكىلەپ-اق تۇر. امال، نەشىك!..

 

تالعات ءسۇيىنباي،

جۋرناليست

 

الماتى

 

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار