ايماقتار • 27 قازان، 2020

تۇركىستان وبلىسىندا جولداردى كۇتىپ ۇستاۋعا 69 ملن تەڭگە قارالعان

65 رەت كورسەتىلدى

وبلىستىق ماڭىزى بار اۆتوموبيل جولدارى قىسقى مەرزىمدە كۇتىپ ۇستاۋ جۇمىستارىنا دايىن. تۇركىستان وبلىسى جولاۋشىلار كولىگى جانە اۆتوموبيل جولدارى باسقارماسىنىڭ ءبولىم باسشىسى شەرزات سۇتتىباەۆ وسىلاي دەدى باق وكىلدەرىنىڭ قاتىسۋىمەن وتكەن بريفينگتە.

جالپى 4152،34 شاقىرىم جولدىڭ 1943،3 شاقىرىمى ءبىرىنشى كەزەكتەگى قاردان تازالانىپ، ينەرتتى ماتەريالدار سەبىلەتىن جولدار بولسا، ونىڭ ىشىندە 434 شاقىرىمى تاۋلى وڭىرلەردەگى قار قاتتى باسىپ قالۋى قاۋپى جوعارى ايماقتار.

سونىمەن قاتار، وبلىستىق ماڭىزداعى جولدى قىس مەزگىلىندە كۇتىپ ۇستاۋعا وبلىستىق بيۋدجەتتەن 69 ملن تەڭگە قارالعان، 354 جۇمىسشى مەن 124 تەحنيكانى جۇمىلدىرۋ جوسپارلانعان. قىس مەزگىلىندە حالىقتىڭ قاۋىپسىزدىگىن قامتاماسىز ەتۋگە شۇعىل ارەكەتتەردى جاساۋعا جول مەكەمەلەرىمەن جەدەل حابارلاندىرۋ سىزباسى بەكىتىلگەن. «جولداردىڭ جاي-كۇيىن كۇندەلىكتى باقىلاۋ جانە توتەنشە جاعدايلار دەپارتامەنتىمەن دەر كەزىندە اقپارات الماسۋ ءۇشىن تاۋلىكتىك كەزەكشىلىك ۇيىمداستىرىلدى. سونىمەن قاتار، اۋا رايىنىڭ قولايسىز مەزگىلىندە جولدا قالىپ قويعان جولاۋشىلارعا جاعداي جاساۋ ماقساتىندا وبلىستىق ماڭىزى بار اۆتوموبيل جولدارىنىڭ بويىندا 4 جىلىتۋ بەكەتى ورنالاسقان. اتاپ ايتقاندا، بايدىبەك اۋدانىندا، «قوشقاراتا-جارىقباس-بىرلىك» اۆتوموبيل جولىنىڭ 28-ءشى شاقىرىمىندا «شىبىقبەل» جانە «ۇلانبەل-سوزاق-شايان-ەكپىندى» اۆتوموبيل جولىنىڭ 605-ءشى شاقىرىمىندا «ودامانبۇلاق» جىلىتۋ بەكەتتەرى بار. سونداي-اق، سوزاق اۋدانىندا «جامبىل وبلىسىنىڭ شەكاراسى-قۇمكەنت-شولاققورعان-كەنتاۋ» اۆتوموبيل جولىنىڭ 63-ءشى شاقىرىمىندا «اششىساي» جانە «ۇلانبەل-سوزاق-شايان-ەكپىندى» اۆتوموبيل جولىنىڭ 593-ءشى شاقىرىمىندا «تاسكومىرساي» جىلىتۋ بەكەتتەرى ورانالاسقان. بارلىق جىلىتۋ بەكەتتەرىن جىلى كۇيدە ۇستاۋ ماقساتىندا كەزەكشى قويىلىپ، 60 توننا كومىر وتىنىمەن قامتاماسىز ەتىلدى»، دەدى شەرزات انارقۇل ۇلى.

ال توتەنشە جاعدايلار دەپارتامەنتى باستىعىنىڭ ورىنباسارى ەرىك سارىباەۆ جىلىتۋ ماۋسىمىندا قاجەتتى قاتتى وتىن كولەمى 1 003،2 مىڭ توننا بولسا، بۇگىندە 294،1 مىڭ تونناسى تاسىمالدانعانىن ءمالىم ەتتى. «2020-2021 جىلدارداعى جىلۋ بەرۋ ماۋسىمىنا دايىندىق بارىسى جوسپارعا ساي جۇرگىزىلۋدە. وبلىس بويىنشا 586 كوپقاباتتى تۇرعىن ءۇي ورتالىقتاندىرىلعان جىلۋمەن قامتاماسىز ەتىلەدى. ونىڭ 442-ءسى قىسقى ماۋسىمعا دايىندالعان. ال 2623 بيۋدجەتتىك مەكەمەلەردى الداعى جىلۋ ماۋسىمىنا دايىنداۋ جوسپارلانعان، بۇگىنگى كۇنگە 2253 مەكەمەگە دايىندىق جۇمىستارى جۇرگىزىلدى»، دەدى ەرىك تەمىرحان ۇلى.

 

 

تۇركىستان وبلىسى

سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار