ايماقتار • 27 قازان، 2020

تۇركىستان وبلىسىندا توبەسى جابىق بازارلار سەنبى كۇنى جۇمىس ىستەيدى

19 رەت كورسەتىلدى

تۇركىستان وبلىسىندا كارانتين شارالارىن ۇزارتۋ تۋرالى قاۋلىعا وزگەرىستەر ەنگىزىلدى، دەپ حابارلايدى Egemen.kz وڭىرلىك كوممۋنيكاتسيالار ورتالىعىنا سىلتەمە جاساپ.

باس سانيتارلىق دارىگەردىڭ قاۋلىسىنا سايكەس، 26 قازاننان باستاپ وبلىس اۋماعىنداعى ساۋدا ورتالىقتارىنىڭ، ساۋدا ۇيلەرىنىڭ جانە جابىق بازارلاردىڭ قىزمەتى 4 شارشى مەترگە 1 ادامنان كەلەتىن سىيىمدىلىقپەن سەنبى كۇندەرى ساعات 09.00-دەن 17.00-گە دەيىنگى ۋاقىت شەكتەۋىمەن جۇمىس ىستەۋىنە رۇقسات ەتىلدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىڭ باس سانيتاريالىق دارىگەرى نۇربەك نىشانوۆ مالىمدەدى. سونداي-اق جاڭا قاۋلى بويىنشا سانيتارلىق-دەزينفەكتسيالىق رەجيمدى كۇشەيتىپ، الەۋمەتتىك اراقاشىقتىقتى جانە بەتپەردە كيۋ رەجيمىن ساقتاي وتىرىپ، عيمارات اۋماعىن 30 پايىزدان اسىرماي تولتىرىپ كينوتەاترلاردىڭ قىزمەتىنە رۇقسات بەرىلىپ وتىر.

"قاۋىپسىزدىك شارالارىن ورىنداۋ قاجەت. ماسەلەن، 65 جاستان اسقان ادامدارعا مۇمكىندىگىنشە كوشەگە شىعۋىنا شەكتەۋ ءالى دە ساقتالادى. سونداي-اق وبلىستاعى ەپيدەميالىق جاعدايعا بايلانىستى وتباسىلىق مەرەيتويلار، ەسكە الۋ، قۇدالىق، توي، بەتاشار جانە تاعى باسقا جيىنداردى وتكىزۋگە تىيىم سالىنادى. وبلىسىمىزداعى ەپيدەميالىق جاعدايعا بايلانىستى كارانتين جانە سانيتاريالىق-دەزينفەكتسيالىق تالاپتاردى مۇقيات ساقتاۋعا شاقىرامىز"، - دەدى نۇربەك سادىقبەك ۇلى.

سونداي-اق باس سانيتار دارىگەر ءار ازامات جەكە باس گيگيەناسىن ساقتاي وتىرىپ، كوشەدە، قوعامدىق ورىندا، ادام كوپ جينالاتىن جەردە مىندەتتى تۇردە ماسكا رەجيمى مەن الەۋمەتتىك اراقاشىقتىقتى ساقتاۋعا شاقىردى.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ۇقساس جاڭالىقتار