ايماقتار • 27 قازان، 2020

ت.رىسقۇلوۆ اۋدانىندا راپس داقىلى كوپتەپ ەگىلۋدە

10 رەت كورسەتىلدى

بۇگىندە جامبىل وبلىسىندا راپس داقىلىن ەگۋ جۇمىستارى جوعارى دارەجەدە جۇزەگە اسىپ كەلەدى. ماسەلەن، ت.رىسقۇلوۆ اۋدانىندا 100 گەكتارعا جۋىق القاپقا كۇزدىك راپس داقىلىن ەگۋ جوسپارلانعان، - دەپ جازادى Egemen.kz

ول ءۇشىن ءتيىستى ءتۇسىندىرۋ جۇمىستارى جۇرگىزىلگەن. ناتيجەسىندە اۋدان شارۋالارى جوسپاردى ارتىعىمەن ورىنداپ، قازىرگى كەزدە 160 گەكتار القاپقا ءدان سەبۋدى جوسپارلاپ وتىر. وتكەن اپتادا اۋدانداعى شارۋا قوجالىقتارىنىڭ بىرنەشەۋى مايلى داقىلدى جەرگە باستىرىپ تا ۇلگەرگەن. ال، اۋدانداعى اباي اۋىلدىق وكرۋگىندەگى بىرنەشە شارۋا قوجالىقتارى كۇزدىك راپس داقىلىن ەگۋگە نيەت تانىتىپ وتىر ەكەن. "دوستىق – ە" شارۋا قوجالىعىنىڭ باسشىسى ايتجان يحيەۆ اتالعان داقىلدى 10 گەكتارعا ەگۋدە. بۇل كۇندە مۇرات ايتىمبەتوۆ پەن اندرەي يساەۆ سياقتى مەحانيزاتورلار ەگىس القابىنداعى قيىن جۇمىستاردى ەڭسەرىپ، تىنباي ەڭبەك ەتىپ كەلەدى. قوجالىق جەتەكشىسىنىڭ ايتۋىنشا، بۇل باستاماعا اۋدان اكىمدىگى بارىنشا قولداۋ كورسەتىپتى. سونداي-اق، وكرۋگتە راپس داقىلىن ەگۋگە نيەت تانىتقان "مەدەۋ تورە"، "قۇرمانباي"، "نۇرپەيىس" شارۋا قوجالىقتارى بار.

مۇنداي يگى باستامالاردى جاڭاتۇرمىس اۋىلىنىڭ شارۋالارى دا قولداپ وتىر. اۋىلداعى ء"ادىل" شارۋا قوجالىعىنىڭ باسشىسى قالدىبەك ءادىلوۆتىڭ ايتۋىنشا، ول وزىنە تيەسىلى ەگىستىك القاپتىڭ 10 گەكتارىنا راپس داقىلىن ەگىپتى. شارۋا بۇل داقىلدى ەكپەس بۇرىن ونى جان-جاقتى زەرتتەپ كورگەن. ەگىستىك القابىنا اۋدان اكىمىنىڭ ورىنباسارى ەرلان قالىباەۆ پەن اۋداندىق اۋىل شارۋاشىلىعى ءبولىمىنىڭ سەكتور مەڭگەرۋشىسى الديبەك تۋعانباەۆ ارنايى بارىپ، شارۋالارمەن پىكىر الماستى.

جالپى، كۇزدىك راپس داقىلىن ەگۋگە ت.رىسقۇلوۆ اۋدانىنان 15 شارۋا قوجالىعى نيەت بىلدىرگەن. ول ءۇشىن اۋداندىق اۋىل شارۋاشىلىعى ءبولىمى 600 كيلو داقىلدى اۋدانعا جەتكىزۋ باعىتىندا جۇيەلى جۇمىس اتقارىپ، قوجالىقتارعا ۇلەستىرگەن. الداعى ۋاقىتتا دا اۋدان بويىنشا اتالعان داقىلدى ەگۋگە قۇلشىنىس تانىتىپ وتىرعان شارۋالار جەتەرلىك.

 

جامبىل وبلىسى

 

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

ۇقساس جاڭالىقتار