“اباي” مۇراجاي- كابينەتى اشىلدى

الماتىداعى قازاق ۇلتتىق پەداگوگيكالىق ۋنيۆەرسيتەتى “اباي ايتادى...” اتتى اكتسيانى باستاپ, “اباي” مۇراجاي-كابينەتىن اشتى. بۇل كۇندەرى اتالمىش ۋنيۆەر­سي­تەتتە اقىننىڭ ادامي, رۋحاني, جالپى ادامزاتتىق قۇندىلىق­تارىن عىلىمي نەگىزدەۋ, ونى ناسي­حاتتاۋ, حالىقتىڭ يگىلىگىنە اسىرۋ جانە جاس ۇرپاقتى وسى تۇرعىدا تاربيەلەۋ ماق­ساتىندا ايتا­رىلىق­تاي ىستەر اتقا­رى­لىپ ءجۇر. ۇلتى­­مىزدىڭ ۇستازدار قاۋىمىن دايار­لاپ جاتقان وقۋ وردا­سىندا ەلىمىزدە تۇڭ­عىش رەت “اباي­تانۋ” عىلىمي-زەرت­تەۋ ورتا­لىعى اشىلىپ, ول ۇلى وي­شىل­دىڭ رۋحاني مۇرالارىن جۇيە­لەۋ جۇ­مى­سىمەن تىڭعىلىقتى اينا­لىسۋدا. سول سياقتى ستۋدەنتتەر ارا­سىندا رەسپۋبليكالىق “اباي­تانۋ” ءدارىس­تەرىن وتكىزۋ قولعا الىنعان. ماسەلەن, قابىرعادا قازداي تىزىلگەن اباي ولەڭدەرى دە ونەگەسى­مەن ويعا جەتەلەيدى. ابايتانۋ عىلى­مي-زەرتتەۋ ورتالىعىن ۋني­ۆەر­سيتەت ۇجىمى ۇيىمداستىرۋدى قولعا العاندا كوپ پىكىرلەسىپ, ونىڭ باسى-قاسىندا اقىننىڭ شىعارما­شىلىعىن تەرەڭ بىلەتىن وقىمىس­تىلاردىڭ بولعانى دۇرىس دەگەن پايىمعا كەلگەن. ول – ابايتانۋ­شى عالىم مەكەمتاس مىرزاحمەت ۇلى. سالتاناتتى تۇساۋكەسەردى اشقان اباي اتىنداعى قازۇپۋ رەكتورى سەرىك پىراليەۆ: – بۇل جاي ورتالىق ەمەس. ۇرپاق ءۇشىن ۇلكەن مىندەت اتقارىپ, پارىزىن وتەيتىن ورتالىق. ءبىز وسى ورتالىق ارقىلى الدىمىزعا ماقسات قويدىق. ۋنيۆەرسيتەت ستۋ­دەنتت­ەرى وتكەن وقۋ جىلىنان باستاپ اباي­تانۋدى ءپان رەتىندە وقي باستادى. ءبىر ايتا كەتەر­لىگى, ونى تەك فيلولوگتار عانا ەمەس, باسقا فاكۋلتەتتىڭ ستۋ­دەنت­تەرى دە وقيدى. ءبىز نەسيە بولدىك. سوندىق­تان, اشىلىپ وتىرعان ورتالىققا كوپ مىندەت جۇكتەلەدى. الدىمەن ۋنيۆەر­سيتتىڭ 15 مىڭ ستۋ­دەنتى ءۇشىن وقۋلىق­تار مەن ءادىس­تەمەلىك قۇرالدار دايىن­داۋ قاجەت. جانە اباي بابامىزدىڭ ەڭبەكتەرىن زەرتتەۋ جۇمىستارىن جانداندىرا­تىن كەز جەتتى, – دەدى. ۋنيۆەرسيتەتتىڭ تاعى ءبىر جەتىس­تىگى, ەلىمىزدە ءبىرىنشى بولىپ ۇلتتىق تاربيە اتتى ءپاندى وقىتۋدى قولعا العان. جانە بۇل ماقساتقا 4 نەسيە ءبولىنىپ وتىر. ايناش ەسالي, الماتى.