پارلامەنت • 27 قازان، 2020

قارجى سەكتورى شاعىن جانە ورتا بيزنەستى نەسيەلەۋگە مۇددەلى ەمەس

سەناتتا "جاڭا جاعدايداعى ەكونوميكالىق دامۋ: قازاقستاندا شاعىن، ورتا كاسىپكەرلىكتى دامىتۋ مەن قولداۋ سالاسىنداعى مەملەكەتتىك ساياساتتى جانە قۇقىقتىق رەتتەۋدى جەتىلدىرۋ" تاقىرىبىنا ارنالعان پارلامەنتتىك تىڭداۋعا دايىندىق اياسىندا بيزنەستى قولداۋ تەتىكتەرى تالقىلاندى، دەپ حابارلايدى Egemen.kz.

جىبەك اعداري

شارانى پارلامەنت سەناتىنىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتى ۇيىمداستىرعان بولاتىن. شاعىن جانە ورتا بيزنەستى قولداۋ جانە دامىتۋ ماسەلەلەرىن تالقىلاۋعا قر ۇلتتىق بانكىنىڭ، قارجى نارىعىن رەتتەۋ جانە دامىتۋ اگەنتتىگىنىڭ، قازاقستان قارجىگەرلەرى قاۋىمداستىعىنىڭ، ەكىنشى دەڭگەيدەگى بانكتەردىڭ وكىلدەرى، سونداي-اق كاسىپكەرلەردىڭ قۇقىقتارىن قورعاۋ جونىندەگى ۋاكىل قاتىستى.

سەناتورلاردىڭ پىكىرىنشە، شاعىن جانە ورتا بيزنەس پەن ميكروبيزنەستى نەسيەلەۋدە قارجى سەكتورى سۋبەكتىلەرى تاراپىنان كوپتەگەن كەدەرگىلەر بار. بۇل ماسەلەنى دەپۋتاتتار بىرنەشە رەت كوتەرگەن بولاتىن. رەسمي ستاتيستيكالىق مالىمەتتەر مەن قارجىگەرلەر قاۋىمداستىعىنىڭ دەرەكتەرى بويىنشا شاعىن جانە ورتا بيزنەس سۋبەكتىلەرىنىڭ 4%-دان اسپايتىن بولىگى بيزنەس جۇرگىزۋ ءۇشىن نەسيە بەرىلەدى. ونىڭ ۇلەسى تامشىداي عانا. سەنات دەپۋتاتتارى قالىپتاسقان جاعدايعا كوڭىل تولماستىق بىلدىرە وتىرىپ، قارجى ينستيتۋتتارىنىڭ شاعىن جانە ورتا بيزنەسكە، ونىڭ ىشىندە ميكروبيزنەسكە نەسيە بەرۋدى ۇلعايتۋ مۇمكىندىگىن قاراستىرۋدى ۇسىنادى.

كەپىلگە قوياتىن م ۇلىكتىڭ بولماۋىنا جانە نەسيە الۋدىڭ باسقا دا قيىندىقتارىنا بايلانىستى ميكروكاسىپكەرلەر تۇتىنۋشىلىق نەسيەلەردى 25%-بەن راسىمدەۋگە ءماجبۇر بولۋدا. دەپۋتاتتار ميكروبيزنەسكە نەسيە بەرۋدى ۇلعايتۋ ءۇشىن قولدانىستاعى زاڭناماعا ءتيىستى وزگەرىستەر مەن تولىقتىرۋلار ەنگىزۋدى ۇسىنىپ وتىر.

سەناتورلار كەلتىرگەن دەرەكتەر بويىنشا، وتكەن جىلى شاعىن جانە ورتا بيزنەستىڭ بانكروتتىققا ۇشىراۋىنىڭ نەگىزگى سەبەبى قارجىنىڭ جەتىسپەۋشىلىگى بولدى. سوندىقتان پارلامەنتشىلەر قارجى ينستيتۋتتارىنا كاسىپورىنداردى قولداۋ جانە جابىلۋدان ساقتاۋ تەتىكتەرىن ازىرلەۋدى ۇسىنادى.

كوميتەت مۇشەلەرى كاسىپكەرلەرگە قاتىستى ماسەلەلەردى تالقىلاۋ كەزىندە بيزنەستىڭ دامۋىنا تەرىس اسەر ەتكەن كوروناۆيرۋس پاندەمياسىنا بايلانىستى جاعدايعا تاعى دا نازار اۋداردى. دەپۋتاتتار قارجى ينستيتۋتتارىنا كرەديتتىك تولەمدەردى كەيىنگە قالدىرۋ، پاندەميا كەزىندە قارىزدار بويىنشا ءوسىمپۇلدار مەن ايىپپۇلداردى ەسەپتەمەۋ، بولاشاقتاعى نەسيە بەرۋدە بانكتىك سىياقىنى تومەندەتۋ، نەسيە مىندەتتەمەلەردى ورىنداۋ شارتتارىن جەڭىلدەتۋ، تولەمدەر كەستەسىن جۇمسارتۋ جونىندە شارالار قابىلداۋ مۇمكىندىگىن قاراستىرۋدى ۇسىنادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز