"پاندەميا ءبىزدىڭ سانامىزدى وزگەرتىپ جاتىر. بۇعان دەيىن ەلگە كەلگەن ازاماتتاردىڭ تەك 70% -ىندا عانا قاجەتتى انىقتاما بولعان, قالعاندارىن ءبىز كارانتيندىك ستاتسيونارعا ورنالاستىرعان ەدىك. كۇنىنە بۇل كەم دەگەندە 150 جانە ودان دا كوپ ادام بولۋى مۇمكىن. بۇل جولى جاعداي باسقاشا, ويتكەنى كوروناۆيرۋس ينفەكتسياسىنا پتر تەست ءوتۋ انىقتاماسى بولماسا, ولاردى ءتىپتى بورتقا جىبەرمەس ەدى. ويتكەنى, 26 قازاننان باستاپ ەلگە حالىقارالىق رەيستەرمەن كەلگەن بارلىق جولاۋشىلار, سونىڭ ىشىندە قر ازاماتتارىندا كۆي-عا پتر-تەستتەن وتكەندىگى تۋرالى انىقتاما بولۋى ءتيىس. مۇنىڭ ءبارى ءبىرىنشى كەزەكتە ءبىزدىڭ دەنساۋلىعىمىز ءۇشىن جانە تۇرعىندار اراسىندا كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن جاسالادى. تەك بىرلەسىپ قانا ءبىز پاندەميانى جەڭە الامىز", - دەدى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.
ەستەرىڭىزگە سالا كەتەيىك, 26 قازاننان باستاپ شەتەلدەن ۇشاتىن قازاقستاندىقتار كوروناۆيرۋسقا پتر-تەستىنەن وتپەسە, ۇشاق بورتىنا جىبەرىلمەيدى. ءدال وسىنداي تالاپ شەتەلدىكتەرگە دە قويىلادى.
ايتا كەتسەك, وتكەن تاۋلىكتە 6 حالىقارالىق رەيس قابىلداندى ء(باا-دەن 2, تۇركيادان 1, بەلورۋسسيادان 1, گەرمانيادان 1, ەگيپەتتەن 1).
