سونىمەن, 2021 جىلدىڭ 11 قاڭتارىنا دەيىن قوعامدىق قابىلداۋلاردا دەپۋتاتتار مەن مەملەكەتتىك ورگان باسشىلارىنىڭ جەكە قابىلداۋلارىن وتكىزۋ توقتاتىلدى. ادۆوكاتتاردىڭ, زاڭگەرلەردىڭ, نوتاريۋستار مەن مەدياتورلاردىڭ كونسۋلتاتسيالارىن وتكىزۋ دە توقتاتىلا تۇرادى. پارتيانىڭ جەدەل جەلىلەرى سايلاۋ اياقتالعانعا دەيىن تەك انىقتامالىق اقپارات بەرەدى.
ايتا كەتەيىك, جىل باسىنان بەرى "Nur Otan" پارتياسىنىڭ قوعامدىق قابىلداۋ بولمەسىنە 356 مىڭنان استام ءوتىنىش كەلىپ تۇسكەن. 177 مىڭ ماسەلە وڭ شەشىمىن تاپتى. 174 مىڭ ادامعا تۇسىنىكتەمە بەرىلىپ, 5 مىڭعا جۋىعى ورىندالۋدا. 462 ونلاين-قابىلداۋ وتكىزىلدى.
پارتيانىڭ ءباسپاسوز قىزمەتى وتباسى, ايەلدەر جانە بالالاردىڭ قۇقىقتارىن قورعاۋ ماسەلەلەرى بويىنشا "111 شۇعىل قىزمەتىنىڭ" ۇزدىكسىز جۇمىسىن قامتاماسىز ەتۋ ماقساتىندا وسى قىزمەتتى باسقارۋ "پراۆو" قوعامدىق قورىنا بەرىلگەنىن حابارلادى.
"111 شۇعىل قىزمەتى" تاۋلىك بويى, دەمالىسسىز جۇمىس ىستەيدى. بارلىق وتىنىشتەردىڭ قۇپيالىعى ساقتالادى.
