وندا الماتى وبلىسى اۋماعىندا ورنالاسقان "كولساي كولدەرى", "ىلە-الاتاۋ", "التىن ەمەل", "شارىن", "جوڭعار الاتاۋى" ۇلتتىق پاركتەرىنىڭ وكىلدەرى جۇمىس ىستەيدى دەپ كۇتىلۋدە. كەڭسە تۋريستەرمەن, الەۋەتتى ينۆەستورلارمەن, تۋريستىك اگەنتتىكتەرمەن جانە ۇلتتىق پاركتەر جانىنان قۇرىلعان قوعامدىق كەڭەستەر مۇشەلەرىمەن ۇيلەستىرىلگەن تۇردە جۇمىس جۇرگىزەدى. اتالعان جوبالىق كەڭسەدە بەس ۇلتتىق پاركتەگى تۋريستىك جانە ينۆەستيتسيالىق مۇمكىندىكتەر تۋرالى بارلىق اقپارات ء"بىر تەرەزە" قاعيداتىمەن بەرىلەدى.
ەسكە سالايىق, قاڭتار ايىندا قر پرەمەر-ءمينيسترىنىڭ تاپسىرماسىمەن الماتى تاۋ كلاستەرىنىڭ بىرىككەن جوبالىق كەڭسەسى قۇرىلعان. وسىلايشا ۇلتتىق پاركتەردى دامىتۋ مىندەتتەرىن قوسا اتقارۋ ارقىلى كەڭسە الماتى وبلىسىندا جالپى ءتۋريزمدى, ونىڭ ىشىندە ەكوتۋريزمدى دامىتۋ بويىنشا ستراتەگيالىق ورگانعا اينالادى.
بىرىڭعاي اقپارات الاڭىن قۇرۋ ۇلتتىق پاركتەردى دامىتۋعا قاتىستى ماڭىزدى ماسەلەلەردى شەشۋگە, اتاپ ايتقاندا ەكوتۋريزمدى جولعا قويۋعا, تسيفرلاندىرۋدى جۇزەگە اسىرۋعا (WI-FI, بەينەباقىلاۋ, دابىل پەرنەسى), رەيندجەرلەر قىزمەتىن, تاۋ ءتۋريزمى, الپينيزم نۇسقاۋشىلارىن دايىنداۋعا مۇمكىندىك بەرمەك.
ساراپشىلاردىڭ باعالاۋىنشا, 2025-2030 جىلدارى ەلىمىزدىڭ ۇلتتىق پاركتەرىندە ەكوتۋريزمدى دامىتۋعا 500 ملرد. تەڭگە كولەمىندەگى جەكە ينۆەستيتسيالار تارتىپ, جەرگىلىكتى ەكوجۇيەگە سالماق تۇسىرمەستەن 12,5 ملن تۋريستكە دەيىن قابىلداۋعا, 30 مىڭ جاتىن ورىن, 20 مىڭداي جۇمىس ورنىن قۇرۋعا بولادى.
سونىمەن بىرگە ساراپشىلار قازاقستاندا ۇلتتىق پاركتەردى دامىتۋ ارقىلى جىلىنا 5 ملرد اقش دوللارىن تابۋعا بولادى دەپ ەسەپتەيدى. "Kazakh Tourism" ۇك باسقارما توراعاسى ەرجان ەركىنباەۆ اتاپ وتكەندەي, الەمدە پاندەميا اسەرىنەن ەكوتۋريزمگە دەگەن قىزىعۋشىلىق ۋاقىت وتكەن سايىن ارتا بەرەدى. "بۇل حالىقتىڭ قازىرگى جاعدايدا اشىق تابيعاتتا كوبىرەك بولىپ, تازا اۋامەن تىنىستاعىسى كەلەتىنىمەن بايلانىستى. سايكەسىنشە قازاقستانداعى ۇلتتىق پاركتەرگە باراتىن ادامدار قالاساق تا, قالاماساق تا كوبەيە بەرەدى»,- دەپ اتاپ ءوتتى ەرجان ەركىنباەۆ. "سوندىقتان مەملەكەت ونداعى ەكوتۋريزمگە ارنالعان ينفراقۇرىلىمدى جەتىلدىرۋدى جالعاستىرىپ, ينۆەستورلار تارتىپ, جەرگىلىكتى ەكوجۇيەگە تۇسەتىن جۇكتەمەنى تەڭدەي ۇلەستىرۋى كەرەك", - دەدى ول.
ءوز كەزەگىندە ەكولوگيا مينيسترلىگى بارلىق مۇددەلى تاراپتارمەن بىرلەسىپ ۇلتتىق پاركتەردى دامىتۋ بويىنشا ارىپتەستىك ورناتۋعا دايىن.
