بۇگىندە ينفەكتسيالىق ستاتسيونارلاردا 54 ادام ەم قابىلداپ جاتىر. ونىڭ ەكەۋىنەن پتر-تەستىلەۋ قورىتىندىسى وڭ ناتيجە بەردى. ولاردىڭ ءبىرى پەرزەنتحانادا جاتقان جۇكتى ايەل, ەكىنشىسى وبلىستىق بالالار اۋرۋحاناسىنا جاتقىزىلعان ءسابي.
ماڭعىستاۋ وبلىسىنىڭ شتاتتان تىس باس ەپيدەميولوگى مارال قادىردىڭ ايتۋىنشا, كۇزگى ماۋسىمدا بارلىق ۆيرۋستىق ينفەكتسيالار دەڭگەيىنىڭ كوتەرىلگەنى بايقالادى.
– كوروناۆيرۋستىڭ ءبىرىنشى تولقىنى بيىل ناۋرىز ايىنان شىلدە ايىنىڭ سوڭىنا دەيىن سوزىلدى. مۇنان سوڭ تامىز-قىركۇيەك ايلارى ءۇزىلىس تاپقان بولاتىن. شامامەن قىركۇيەكتىڭ 20-سىنان باستاپ ايماقتا زەرتحانالىق جولمەن دالەلدەنگەن كوروناۆيرۋس ينفەكتسياسى تىركەلە باستادى. ماسەلەن, قىركۇيەكتە 5 ناۋقاس تىركەلسە, ودان بەرى 33 ادام دەرت جۇقتىرعان. ياعني, بۇگىندە 38 ادامنان كۆي بەلگىسى زەرتحانالىق جولمەن دالەلدەنىپ وتىر. ال پنەۆمونيا اۋرۋىنا كەلەتىن بولساق, مۇندا ەشقانداي ءۇزىلىس بولعان جوق. بۇل اۋرۋدىڭ ەكىنشى تولقىنىندا, اتاپ ايتساق تامىز ايىندا 68, قىركۇيەكتە 94, قازان ايىنىڭ باسىنان بۇگىنگە دەيىن 48 ادامنان انىقتالدى. سوندا بارلىعى 210 ناۋقاس تىركەلىپ وتىر, – دەيدى ول وڭىرلىك قوعامدىق كوممۋنيكاتسيا ورتالىعىندا وتكەن بريفينگتە.
ماڭعىستاۋ وبلىسىنىڭ شتاتتان تىس باس ەپيدەميولوگى كوروناۆيرۋس نەمەسە ۆيرۋستىق پنەۆمونيامەن اۋىرعان ادامداردىڭ كۇن سالقىنداعاندا وكپە قابىنۋلارى قايتا اسقىنۋى مۇمكىن ەكەنىن ەسكەرتتى.
ونىڭ ايتۋىنشا, كوروناۆيرۋس نەمەسە ۆيرۋستىق پنەۆمونيامەن اۋىرعان ادامداردىڭ كۇن سالقىنداعاندا وكپە قابىنۋلارى قايتا اسقىنۋى مۇمكىن.
– بۇل ناۋقاستارمەن بۇعان دەيىن فيزيوتەراپيا ءبولىمىنىڭ ماماندارى جۇمىس ىستەدى. ياعني ولار ۇيرەتكەن تىنىس الۋ جاتتىعۋلارىن تۇراقتى جاساپ تۇرۋ قاجەت. بۇگىنگى تاڭدا ورتالىق اۋرۋحانادا 40 توسەكتىك وڭالتۋ ءبولىمى جۇمىس ىستەپ تۇر. مۇمكىندىگىنشە ەمحانالار ارقىلى پورتالمەن سول بولىمگە ءتۇسىپ, ەمدەلۋگە دە بولادى. ول جەردە ەمدىك شارالاردان بولەك تىنىس الۋ جاتتىعۋلارىن دۇرىس جاساۋ جولدارى ۇيرەتىلەدى, – دەدى م.قادىر.
وڭىردە 70 مىڭعا تارتا ادام تۇماۋعا قارسى ەگىلۋگە ءتيىستى تاۋەكەل توپقا جاتقىزىلعان. جۇقپالى تىنىس اۋرۋلارىنىڭ 200-گە تارتا ءتۇرى بار. جىل سايىن قىركۇيەك-قازان ايلارىندا وسىعان دايىندىق جۇمىستارى جۇرەدى. بيىل ماڭعىستاۋدا تۇماۋعا شالدىعۋدىڭ الدىن الۋ شارالارى تامىز ايىنان باستاپ ءجۇردى. ونىڭ ىشىندە تاۋەكەل توپ وكىلدەرىن الدىن الا ەگۋمەن قامتاماسىز ەتۋگە ايرىقشا ءمان بەرىلدى. بۇل توپقا ءجيى اۋىراتىن ادامدار, يممۋنيتەتى ءالسىز ازاماتتار, جاس بالالار, سوزىلمالى سىرقاتپەن ەسەپكە تۇرعاندار, جۇكتى ايەلدەر مەن جاسى 60-تان اسقان تۇرعىندار كىرەدى.
ەلىمىزدە ءجۇردىم-باردىم قارايتىن قاراپايىم تۇماۋدىڭ ءوزى ىندەتتىڭ باستاماسى بولىپ كەتپەۋى ءۇشىن حالىققا دا, دارىگەرلەرگە دە ساقتىق, قىراعىلىق قاجەت. ء«وزىمىزدىڭ تۇماۋ» وكىنتىپ كەتپەسە بولعانى.
ماڭعىستاۋ وبلىسى
