ۇجىمداعى «جىلۋلىق سىيلايمىز» تۇجىرىمداماسى اياسىندا وتكىزىلىپ جاتقان يگى شارالاردىڭ قاتارىندا, فيليال پسيحولوگى ۇيىمداستىرعان «جۇرەگىڭدى ىزگىلىككە ۇيرەت» مارافونىن ايتۋعا بولادى.
«ادام كەي ۋاقىتتا وزىنە دەگەن سەنىمىن جوعالتىپ, كۇيزەلىسكە ۇشىرايدى. سولاي دەگەنمەن دە, ومىرگە دەگەن سەنىمىن, قۇشتارلىعىن جوعالتپاي, توقتاماستان تەك قانا العا ۇمتىلۋ كەرەك ەكەنىن ۇمىتپاۋى ءتيىس. قانداي جاعداي بولسىن, بار كۇش-جىگەرىن جيناپ, العا ۇمتىلسا عانا بارلىعىن جەڭىپ, جۇرەگىندە دە, جان دۇنيەسىندە دە تىنىشتىق ورنايتىنىنا, بارلىعى تەك جاقسى بولاتىنىنا سەنۋى كەرەك. وسى سەنىمدى ادام بويىنا ۇيالاتۋ ءۇشىن ءبىزدىڭ پسيحولوگ مامانىمىز ءبىر اي بويى مارافون جۇرگىزىپ وتىر. بۇل ءدال قازىرگى ۋاقىتتا قاجەت دەپ بىلەمىز», دەيدى فيليالدىڭ PR-مەنەدجەرى جاڭىل اپەتوۆا.
ادامنىڭ تۇتىنۋ قۇرالدارىنىڭ دامۋى ارتقانىمەن, ادام بويىنداعى اسىل قاسيەتتەردىڭ قۇندىلىعى كەمي تۇسكەن مىنا زاماندا, كۇن ۇزاعىنا پەندەلىك قىم-قۋىت تىرلىكپەن ارپالىسقان ادام, ءبىر ءسات جابىرقاۋ تارتقان جانىنا رۋحاني قۋات ىزدەيدى. سول ساتتە ونىڭ جاعدايىن ءتۇسىنىپ, كومەك قولىن سوزاتىن ادام پسيحولوگ قانا. پسيحولوگپەن اڭگىمەلەسۋ سانانى سىلكىندىرىپ, تۇنىق ويلاردىڭ تۇما كوزدەرىن اشارى بۇگىندە دالەلدەنگەن شىندىق. بۇل ماماندىق وتە توزىمدىلىكتى, شىدامدىلىقتى, بىلىمدىلىك پەن بىلىكتىلىكتى, مەيىرىمدىلىك پەن تالاپ قويا ءبىلۋدى كەرەك ەتەدى دەسەك, ۇجىم پسيحولوگى داريعا سارسەن وسى ۇدەدەن شىعا بىلگەن مامان. ونىڭ ««جۇرەگىڭدى ىزگىلىككە ۇيرەت» مارافونى بارىسىندا ۇيىمداستىرعان شارالارى, تالاي ادامنىڭ جانىنا ىزگىلىك نۇرىن قۇيىپ, بويىنا سەنىمدىلىك ۇيالاتتى.
قازان ايى بويى جالعاسىپ جاتقان مارافون ماقساتى – ادامداردىڭ ەموتسيونالدى-قۇندىلىق سالاسىن دامىتۋ, ادامداردىڭ قيىن پسيحولوگيالىق جاعدايداعى ارەكەتتەرىنە دۇرىس باعىت بەرۋ, ەموتسيونالدىق سترەستەن ارىلۋ جولدارىن كورسەتۋ, قوعامداعى مىنەز-ق ۇلىق نورمالارىن قالىپتاستىرۋ جانە ءبىر-بىرىمەن قارىم-قاتىناس جاساۋ جانە مادەني مىنەز-ق ۇلىقتى تاربيەلەۋ. قىزمەتكەرلەردىڭ ۇجىمدا جۇمىس ىستەي ءبىلۋ قابىلەتىن ارتتىرۋ, ءوزىن ءوزى كورسەتۋ ءۇشىن جاعداي جاساۋ ارقىلى ءوزىن ءوزى تانۋ پروتسەسىنە ىقپال ەتۋ.
«جۇرەگىڭدى ىزگىلىككە ۇيرەت» ايلىق-مارافونى بارىسىندا «قيىن پسيحولوگيالىق جاعدايداعى قىزمەتكەرلەردىڭ ارەكەتتەرى», «تەمپەرامەنت تۋرالى تۇسىنىك», «كۇيزەلىس كەزەڭدەرى مەن بەلگىلەرى», «تورىعۋ جانە ودان ارىلۋ جولدارى» سىندى تاقىرىپتاردا سەمينارلار, «تۇلعانىڭ سابىرلىلىعىن باعالاۋ» تاقىرىبىندا سىناقتار مەن حاساي اليەۆتىڭ «كىلت» ءادىسى بويىنشا جاتتىعۋلار كەشەنىن ونلاين رەجىمدە جۇرگىزەدى.
جاتتىعۋلار مەن ساباقتار, قاراپايىم, ىڭعايلى جانە وتە ءتيىمدى. ولار كۇيزەلىسپەن كۇرەسۋگە, جان تىنىشتىعىن تابۋعا عانا ەمەس, سونىمەن قاتار پروبلەمالارىن شەشۋگە, تورىعۋدىڭ تەرىس ەنەرگياسىن جويا وتىرىپ, دەنەنىڭ ساۋىعۋىنا ىقپال ەتەدى. قاتىسۋشىلارعا تۇلعا بويىنداعى قاسيەتتەر جونىندە, تەمپەرامەنت تيپتەرى مەن مىنەز تۇرلەرى تۋرالى ماعلۇمات بەرىپ, العان بىلىمدەرىن كاسىپتىك قىزمەت بارىسىندا قولدانا بىلۋگە ۇيرەتەدى.
«مىنە, بۇگىن تاعى دا جۇزدەگەن جاننىڭ ريزاشىلىعىنا بولەندىم. كاسىبي ءبىلىمىم ارقىلى اينالاما كوتەرىڭكى كوڭىل كۇي سىيلاۋ, ارىپتەستەرىمنىڭ جاڭاشا قىرىنان كورىنۋىنە قولداۋ كورسەتۋ, شىعارماشىلىق وي-قيالدارىنا شابىت بەرۋ, مەنىڭ كۇندەلىكتى جاقسى كورىپ اينالىساتىن ءىسىم. بۇل دەگەنىڭ كەرەمەت ەمەس پە؟! ولاي دەيتىنىم, قازىر مەن «ازاماتتارعا ارنالعان ۇكىمەتتىڭ» الماتى قالاسى فيليالىندا پسيحولوگ بولا ءجۇرىپ, كۇن سايىن كەزدەسەتىن قيىنشىلىقتارمەن, پروبلەمالارمەن بەتپە-بەت كەلىپ, ءوز ءبىلىمىمدى شىڭداۋ, ىزدەنۋ ۇستىندەمىن. ادامداردىڭ ريزا جۇزدەرىن كورگەندە ەڭبەگىمنىڭ, جۇمىسىمنىڭ جانعانى دەپ بىلەمىن», دەيدى داريعا ەلتايقىزى.
«پسيحولوگتىڭ مارافون بارىسىندا بىزبەن جۇرگىزگەن «بالا كەزىمدەگى فوتودان مەنى تاپ», «مەنىڭ سۇيىكتى فيلمدەرىم», «مەنىڭ وتباسىم» سياقتى باسقا دا تاقىرىپتارداعى ونلاين جاتتىعۋلارى ءبىزدى جاقىنداستىرا ءتۇستى. جانىمىزدا جۇرگەن جانداردى جاقىن تاني باستادىق. ءبىر-ءبىرىمىز تۋرالى كوبىرەك بىلە وتىرىپ, ءبىر-بىرىمىزگە قىزىقتى بولا باستادىق. ءوزارا اشىق ارالاسۋدان قىسىلمايتىن بولدىق, جۇمىستان تىس كەزدە قيىن كورىنگەن ىستەرىمىزدىڭ ارىپتەستەرىمىزبەن بىرگە جاساعاندا وڭايىراق بولاتىنىن بايقادىق», دەيدى حقو قىزمەتكەرى ايگۇل تۇرلىبەكوۆا.
الماتىداعى حقو پسيحولوگى داريعا سارسەننىڭ Zoom پلاتفورماسىندا ونلاين رەجىمدە وتەتىن كونفەرەنتسيالارىنا كەز كەلگەن ادام قاتىسا الادى. بۇل كۇندەرى «ىزگى جۇرەكتى جاندار» ايلىق-مارافونىنا 3 مىڭعا جۋىق ادام قاتىسىپ ۇلگەردى.
الماتى
