«قازىرگى كەزدە ىشكى تۋريزمگە دەگەن سۇرانىستىڭ جوعارى ەكەندىگىن بايقاپ وتىرمىز. بۇل وتە جاقسى ءۇردىس, بىراق جاڭالىقتاردان كورىپ, وقىپ وتىرعانىمىزداي ءتۋريزمنىڭ دامۋىنا بايلانىستى جاعىمسىز جاعدايلاردى ەستەن شىعارماۋىمىز كەرەك. بۇل قاعيداتتار تابيعاتتى ساقتاۋ يدەياسىن عانا ەمەس, سونداي-اق قازاقستانعا وسى سالا ءۇشىن ەڭ ماڭىزدى رەسۋرستى ساقتاي وتىرىپ, ۇزاقمەرزىمدى ەكو-دەمالىستى دامىتۋعا مۇمكىندىك بەرەدى», دەپ اتاپ ءوتتى دەنيس لۋكيانچۋك.
سالا ماماندارى بيىلعى پاندەميا جاعدايىندا ىشكى تۋريزمگە سۇرانىستىڭ ارتقانىن ايتۋدا. بىراق ەلىمىزدە بەلسەندى دەمالىستىڭ مادەنيەتى قالىپتاسپاۋى سالدارىنان دەمالۋشىلار تابيعاتقا وراسان زور زيان اكەلۋدە. CAMPIT بەلسەندى دەمالىس جونىندەگى كومميۋنيتيدىڭ نەگىزىن قالاۋشى دەنيس لۋكيانچۋك ساياحاتشىلارعا بەلسەندى دەمالىستىڭ ەرەجەلەرىن ءتۇسىندىرۋ كەرەك دەيدى.
«بۇگىندە بەلسەندى دەمالىستى ۇيىمداستىرۋ ءۇشىن ارنايى قوسىمشالارى جۇكتەلگەن ۇيالى تەلەفون بولسا, جەتكىلىكتى. تاۋلار, كولدەر, شولدەر, قۇمدار, جازعى جانە قىسقى تاۋ شاڭعىسى. اركىم وزىنە ۇنايتىن دەمالىستى تاڭداي الادى. ونىڭ ۇستىنە ينفراقۇرىلىم دا دامۋدا. 2گيس-ءتىڭ وزىنەن 68 تاۋ جولىن تابا الامىز. تابيعات اياسىندا دەمالۋ ترەندكە اينالعانىن كورىپ وتىرمىز. دامۋعا ىنتالاندىرۋ بار. بىراق ءوزىن قالاي ۇستاۋ كەرەك ەكەندىگىن ءبارى بىردەي بىلە بەرمەيدى. مىنە, وسى ەرەجەلەردى بەلسەندى تۇردە ناسيحاتتاۋ كەرەك», دەپ تۇيىندەدى بەلسەندى.
الماتى ءوڭىرىنىڭ تۋريستىك كلاستەرى قاۋىمداستىعىنىڭ مۇشەسى, «جىبەك جولى» جشس ديرەكتورى تيمۋر دۇيسەنعاليەۆ قازاقستاننىڭ تاۋلارى بەلسەندى دەمالىستى دامىتۋ ءۇشىن زور الەۋەتكە يە ەكەنىن ايتادى. سپيكەردىڭ ايتۋىنشا, دۇنيەجۇزىلىك تۋريستىك ۇيىم (UNWTO) تاۋ اۋماقتارىنا دەگەن قىزىعۋشىلىقتى تۋريزم نىسانى رەتىندە راستادى. ستاتيستيكاعا سايكەس, كەيىنگى جىلدارى ەكولوگيالىق تازا ايماقتاردا تابيعاتپەن تىلدەسۋ ءۇشىن, ۋربانيزاتسيا مينيمالدى اسەر ەتىلگەن جەرلەرگە كەلۋشىلەر سانى ەداۋىر ارتقان.
ء«بىز بۇۇ تۇراقتى دامۋ ماقساتتارىن قولدايمىز جانە انتروپوگەندىك جۇكتەۋدىڭ ءوسۋ جاعدايىندا تاۋلى ايماقتاردىڭ وسالدىعىن تۇسىنەتىن قوعامدىق بىرلەستىكتەر مەن ۇيىمدار رەتىندە Kazakh Alpine Club قۇرعان بولاتىنبىز. سونىمەن قاتار ەكولوگيانى ساقتاۋ مەن حالىقارالىق ستاندارتتارعا سايكەس بولۋ ماقساتىندا تۋريستەردىڭ قاۋىپسىزدىگىن قامتاماسىز ەتۋ ءۇشىن ءتيىستى ينفراقۇرىلىممەن بىرگە بەلسەندى دەمالۋ تۇرلەرىن دامىتۋدى جوسپارلاپ وتىرمىز. تاۋ ومبۋدسمەنى رەتىندە ءبىز بارلىق مەملەكەتتىك جانە باسقا دا ۇيىمدارمەن اككرەديتتەۋ, سالالىق جانە قوعامدىق كەڭەستەرگە كىرۋ ارقىلى تاۋلى ايماقتاردى يگەرۋ جوبالارىن, سونىڭ ىشىندە ۇلتتىق تابيعي ساياباقتاردى, باستاماشىلارىنىڭ مەنشىك تۇرىنە قاراماستان اشىق, زاڭدى تۇردە تالقىلاۋ ءۇشىن ىنتىماقتاستىق ورناتامىز», دەدى سپيكەر.
ايتا كەتەيىك, قازاقستاندىق كلۋب حالىقارالىق ءالپى قوعامداستىعىنىڭ قۇندىلىقتارى مەن قاعيدالارىن ۇستانادى. الداعى ۋاقىتتا شەتەلدىك اlpine Club-پەن تاجىريبە الماسۋ جانە تۋريستەردى تارتۋ بويىنشا بەلسەندى جۇمىس ىستەۋ جوسپارلانعان.
