تۋريزم • 27 قازان، 2020

تۇركىستاندا باس قوستى

11 رەت كورسەتىلدى

تۇركىستان وبلىسىندا ءوڭىردىڭ تۋريستىك الەۋەتىن دامىتۋ بويىن­شا «تۇركىستان – تۇركى الەمىنىڭ بەسىگى» اتتى رەسپۋب­ليكا­لىق سەمينار-كەڭەس ءوتتى. وبلىستىق تۋريزم باسقارماسى ۇيىمداستىرعان جيىننىڭ ماقساتى – وڭىردەگى ءتۋريزمدى دامىتۋ، وزگە وبلىستاردىڭ اكىمدىكتەرىمەن بىرلەسكەن ءىس-شارالاردى ۇيىمداستىرۋ جانە وتكىزۋ.

اتالعان شاراعا تۋريزم يندۋسترياسى كوميتەتى جانە Kazakh Tourism ۇك اق باسشىلارى، ەلى­مىزدىڭ وزگە وبلىستارىنىڭ سا­لا­لىق باسقارمالارى مەن تۋريزم قاۋىمداستىعى وكىلدەرى ارنايى قاتىستى. ءىس-شارا بارىسىندا تۇر­كىستان وبلىسى بويىنشا، ونىڭ ىشىندە تۇركىستان قالاسىندا سالىنىپ جاتقان جاڭا نىساندارعا، وتىرار، بايدىبەك اۋداندارىنىڭ تۋريستىك نىساندارىنا اقپاراتتىق تۋر ۇيىمداستىرىلدى.

سونداي-اق سەمينار-كەڭەس اياسىندا شىمكەنت، الماتى قالالارىمەن جانە الماتى، قىزىلوردا وبلىستارىمەن، سونىمەن قاتار Kazakh Tourism ۇك اق-مەن تۋريزم سالا­­سىن­داعى ءوزارا تۇسىنىستىك جانە ىن­تىماقتاستىق تۋرالى مەمو­ران­دۋمعا قول قويىلدى. جي­ىن­­عا قا­تىسۋشىلار تۋريزم – تۇر­كىس­تان وبلىسى ەكونو­ميكا­سى­نىڭ باسىم سالالارىنىڭ ءبىرى ەكە­نىن ايتتى. اسىرەسە، بى­رە­گەي ساۋلەت-تاريحي جانە ارحەو­لو­گيا­لىق ەسكەرتكىشتەرى، تاڭ­عا­جايىپ تابيعاتى مەن وزىندىك مادەنيەتى بار ولكەمىز وڭىرلىك جانە حالىقارالىق دەڭگەيدە ءتۋريزم­دى دامىتۋ ءۇشىن زور الە­ۋەت­كە يە ەكەنى باياندالدى.

قازىرگى تاڭدا مەملەكەت تاراپىنان تەك قالانىڭ عانا ەمەس، جالپى وبلىستىڭ دامۋىنا ەرەكشە كوڭىل ءبولىنىپ كەلەدى. ينفراقۇرىلىمدى جاڭعىرتۋ اياسىندا جۇمىستار بەلسەندى جۇر­گىزىلىپ، جاڭا ينۆەستيتسيا­لار تارتىلۋدا. ودان بولەك، تۇر­كىستان قالاسىن تۇركى الە­مىنىڭ مادەني جانە رۋحاني استاناسى جانە ورتالىق ازياداعى حا­لىقارالىق تۋريزم مەن زيارات ەتۋ ورتالىعى رەتىندە دامىتۋ – بۇگىنگى تاڭدا تۋريزم سالاسىن­داعى مەملەكەتتىك ساياساتتىڭ سترا­تەگيالىق باسىمدىقتارىنىڭ بى­رىنە اينالدى جانە وسى باعىتتا مەملەكەتتىك قولداۋ كورسەتۋ ءتۋريزم­دى تۇراقتى دامىتۋدىڭ العى­شارتى بولىپ وتىر.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار