ەلوردا • 26 قازان، 2020

جاڭگىردىڭ ون ءبىر دوسى⠀

47 رەت كورسەتىلدى

نۇر-سۇلتان قالاسىنداعى نازارباەۆ زياتكەرلىك مەكتەبىنىڭ ەرىكتىلەرى ەلورداداعى بالالار ءۇيىنىڭ جانە SOS بالالار اۋىلىنىڭ تاربيەلەنۋشىلەرىمەن كەزدەسىپ، گيتارادا ويناۋعا ۇيرەتىپ، سىيلىقتارىن تابىستادى، دەپ حابارلايدى Egemen.kz

نازارباەۆ زياتكەرلىك مەكتەبىنىڭ 11-سىنىپ وقۋشىسى  جاڭگىر مۇرات "ۆولونتەرلىك جوبالاردى قولداۋ" بايقاۋىندا گرانت جەڭىپ العان بولاتىن. كارانتين ۋاقىتىندا زياتكەر از قامتىلعان وتباسىلاردىڭ بالالارى مەن بالالار ءۇيىنىڭ تاربيەلەنۋشىلەرىنە تەگىن گيتارادا ويناۋ ساباقتارى مەن اعىلشىن ءتىلى كۋرستارىن جۇرگىزگەن.⠀

بايقاۋدان سوڭ جاڭگىر جانىنا سۇلتان مۇراتبەك، جاقسىلىق جەڭىس  جانە وزگە دە نيەتتەس، پىكىرلەس دوستارى قوسىلعان ەرىكتىلەر توبىن قۇردى. بۇگىندە ولاردىڭ قاتارى ون بىرگە جەتتى. ⠀

– ەرىكتىلەردىڭ جەكە جوباسىنا ەمەس، قوعامعا پايدالى بولۋىنا ءمان بەرىلگەن بايقاۋ اياسىندا بەلسەندى جاستارمەن بىرگە بالالار ءۇيىنىڭ تاربيەلەنۋشىلەرىنە ارناپ تەگىن گيتارا ۇيىرمەسى وتكىزىلەدى. ودان بولەك ۇيىرمەنىڭ كەستەسىنە ساي ZOOM پلاتفورماسىندا اعىلشىن تىلىنەن دە دارىستەر جۇرگىزىلەدى. كەلەسى جىلى باسقا دا ۇيىرمەلەردى اشۋعا ءوز تاراپىمىزدان قولعابىس تيگىزەتىن بولامىز، دەيدى جاستار ساياساتى باسقارماسىنىڭ باسشىسى داۋلەت كارىبەك.⠀

– ءبىزدىڭ الداعى ماقساتىمىز – ءارتۇرلى مەكتەپتەردەن وقۋشىلار جيناپ، بەلسەندى ەرىكتىلەر توبىنىڭ جۇمىسىن قالا دەڭگەيىندە بىرىكتىرۋ، دەيدى نزم وقۋشىلارى.⠀

 

سوڭعى جاڭالىقتار

ۇقساس جاڭالىقتار