اۋلاسىنا ارنايى قورشاۋ جاساتىپ, سول جەردە باعاتىن ءنالىپان مىرزاقۇلوۆ تۇيەقۇستىڭ ەستى جەڭسىك اس, جۇمىرتقاسى باعالى, قاۋىرسىنى دا ەمگە داۋا ەكەنىن ايتادى. اتالمىش تۇيەقۇس اۆستراليالىق تۇقىم. ولاردىڭ جۇمىرتقاسى ەرەكشە قارا تۇستە بولادى. ال, افريكالىق تۇيەقۇستىڭ جۇمىرتقاسى اق بولىپ كەلەدى ەكەن. كاسىپكەر بۇل قۇستى قولعا ۇيرەتۋ اسا قيىن شارۋا ەمەس ەكەنىن ايتادى. تەز جەرسىنەدى. ءشول جەرلەردە دە ءتوزىمدى. جەم-ءشوبى ۋاقىتىلى بەرىلىپ وتىرسا, پايداسى – كول-كوسىر. جۇمىرتقاسىنىڭ ءبىر داناسىسىنىڭ باعاسى 5 مىڭ تەڭگەدەن اسادى ەكەن. ەتى جۇرەك اۋرۋىنا پايدالى بۇل قۇس 40-50 جىلدان استام ءومىر سۇرەدى. كاسىپكەر الداعى ۋاقىتتا قۇستىڭ باسىن كوبەيتۋدى جوسپارلاپ وتىر.
تۇركىستان وبلىسى
