-بۇگىنگى كۇنگى ەنگىزىلگەن وزگەرىستەر بويىنشا نەسيەلەرىن جوعارى پايىزبەن تولەپ وتىرعان شاعىن جانە ورتا كاسىپكەرلىك وكىلدەرى, مەملەكەتتەن بولىنەتىن سۋبسيديانى پايدالانا وتىرىپ, نەسيە مولشەرىن تومەندەتۋگە 29 ءتۇرلى سالادا جۇمىس ىستەپ جۇرگەن جانداردىڭ مۇمكىندىگى بار. ولار اۆتوسالوندار, اۆتوموبيلدەرگە تەحنيكالىق قىزمەت كورسەتۋ ورتالىقتارى, مەيرامحانالار, تاماق ونىمدەرىن جەتكىزۋ قىزمەتى, تۋريستىك اگەنتتىكتەر, مەكتەپكە دەيىنگى ءبىلىم بەرۋ, ورتا ءبىلىم بەرۋ سالاسى, دارىگەرلىك پراكتيكا جانە ستوماتولوگيا سالاسىنداعى قىزمەت, فيتنەس كلۋبتار, توقىما جانە حيميالىق تازالاۋ قىزمەتى, شاشتاراز جانە سۇلۋلىق سالوندار مەن جىلجىمايتىن م ۇلىكتى جالعا بەرۋ قىزمەتى, دەدى ماڭعىستاۋ وبلىستىق ساۋدا جانە كاسىپكەرلىك باسقارماسى باسشىسىنىڭ مىندەتىن اتقارۋشى مۇقانبەتجان كوبەگەن.
«دامۋ» كاسىپكەرلىكتى دامىتۋ قورىنىڭ ماڭعىستاۋ وبلىسى بويىنشا باسشىسى گۇلجان قالىمبەتوۆانىڭ ايتۋىنشا, كاسىپكەرلەر قازان ايىنا 30-نا دەيىن ءوتىنىش جىبەر الادى.
- مەملەكەتتەن قولداۋ الۋ ءۇشىن كاسىپكەرلەر 30 قازانعا دەيىن بانككە ءوتىنىم بەرۋى قاجەت. بانك ولارعا نەسيە بەرۋ بويىنشا قىزمەت كورسەتەدى. سودان سوڭ «دامۋ» قورى بانكتەر بەرگەن تىزىمدەر مەن ساۋالناما-وتىنىشتەر نەگىزىندە 5 جۇمىس كۇنىنەن اسپايتىن مەرزىمدە سۋبسيديالاۋ مۇمكىندىگى تۋرالى شەشىم قابىلدايدى, گۇلجان قالىمبەتوۆا.
باعدارلاماعا قاتىسۋدىڭ باستى شارتى — كاسىپكەردە 2020 جىلدىڭ 16 ناۋرىزى كۇنىن ەسەپكە العانداعى مەرزىمدە 180 كۇننەن اسقان نەسيە بەرەشەگى بولماۋى كەرەك.
ماڭعىستاۋ وبلىسى
