وقيعا • 26 قازان، 2020

ىزگى نيەتتى ىسكە اسىرۋعا قولداۋ ءبىلدىردى

18 رەت كورسەتىلدى

نۇر-سۇلتان قالاسى جاستار ساياساتى ماسەلەلەرى باسقارماسىنىڭ تاپسىرىسىمەن «ادىرنا» ۇلتتىق-ەتنوگرافيالىق بىرلەستىگى ۇلتتىق مۋزەيدە «ۆولونتەرلىك جوبالاردى قولداۋ» اتتى شاعىن گرانتتار كونكۋرسىنىڭ جەڭىمپازدارىن ماراپاتتادى.

ماراپاتتاۋ راسىمىندە جوبالارى ۇزدىك دەپ تانىلعان 22 بەلسەندى جاس 300 000 تەڭگەنىڭ يەگەرى اتاندى. شارا شىمىلدىعىن داۋلەسكەر كۇيشى اردابي ماۋلەت ۇلى اشىپ، قۇتتىقتاۋ ءسوزدى فيلولوگيا عىلىمدارىنىڭ دوكتورى، ديپلومات، ەكس-سەناتور ءادىل احمەتوۆ الدى.

گرانتتار كونكۋرسىنىڭ ماراپاتتاۋ راسىمىنە نۇر-سۇلتان قالالىق جاستار ساياساتى ماسەلەلەرى باسقارما باسشىسى داۋلەت كارىبەك، «اسىل ادام» قايىرىمدىلىق قورىنىڭ پرەزيدەنتى اينۇر سۇلكەەۆا، ۇلت­تىق مۋزەيدەگى «حالىق قازىناسى» ءبولىمى­نىڭ باسشىسى اقان وڭعار ۇلى، ۇلتتىق مۋزەي ديرەكتورىنىڭ ورىنباسارى ايبار قاسەنالى، اقىن، جازۋشىلار وداعىنىڭ مۇشەسى ۇلار­بەك دالەي، «ۇلتتىق ۆولونتەرلىك جەلىسى» رەسپۋبليكالىق ۇيىمىنىڭ كوورديناتورى ايسۇلۋ جۇماشوۆا قاتىسىپ، 22 جەڭىمپازعا اقجارما تىلەكتەرىن ارناپ، ءسات-ساپار تىلەدى.

شارا بارىسىندا قازاق ۇلتتىق ونەر ۋنيۆەرسيتەتىنىڭ تۇلەكتەرى ماقپال دۇيسەن مەن ەرنار مۇحامەد اسەم اندەرىمەن قوناقتار كوڭىلىن كوككە جەتكىزدى. شارا ۇيىم­داستىرۋشىسى «ادىرنا» ۇلتتىق-ەتنو­گرافيالىق بىرلەستىگىنىڭ باسشىسى ارمان اۋبا­كىردىڭ مالىمدەۋىنشە، كوميسسيا وقۋشى، ستۋدەنت جاستار مەن الەۋمەتتىك توپتارعا ءبىلىم بەرۋگە باعىتتالعان، مۇمكىندىگى شەكتەۋلى ادام­داردى قولداۋعا ارنالعان، مەديتسينالىق باعىتتاعى جانە كارانتين كەزىندە ىسكە اسىرىلاتىن، جاستار بەلسەندىلىگىن دامىتۋعا ارنالعان جوبالارعا دەن قويعان. «مەملەكەتتەن 22 جەڭىمپازعا بولىنگەن قاراجات ۆولونتەرلەردىڭ ءوز جوبالارىن ىسكە اسىرۋعا جانە جوبا اياسىندا قوعام الەۋەتىن كوتەرۋگە باعىتتالدى»، دەدى ا.اۋباكىر.

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار