ايتەۋىر, جاعداي تراگەدياعا سوقتىرماي اماندىقپەن اياقتالدى. ەكى بوبەكتى قاداعالاپ وتىرعان اپالارى كورشى پاتەردەگى ەگدە جاستاعى ايەل قىسىلعان سوڭ وعان جەدەل جاردەم شاقىرىپ, ونى كىرگىزىپ الۋعا تومەنگە ءتۇسىپ كەتكەن ەكەن. ۇيدە قاراۋسىز قالعان «باتىرلار» وسى كەزدە تەرەزەنى اشىپ ويناعان. "بوبەكتەر قاۋىپتىڭ قايدان ەكەنىن بىلە مە؟ ءار ءتۇرلى جاعداي بولادى. مەكتەپتەردە جولدارداعى, سۋ قويمالارىنداعى قاۋىپسىزدىك شارالارى تۋرالى ءتۇسىندىرۋ اڭگىمەلەرىن ءبىز ۇنەمى وتكىزەمىز. ال بوبەكتىڭ تەرەزەدە ويناۋى وتە قاۋىپتى. كەز كەلگەن سەكۋندتا ول قۇلاپ كەتۋى مۇمكىن. سوندىقتان اسا قاتتى الاڭداتۋشىلىق تۋعىزادى. مۇندايدى كورىپ, پوليتسياعا حابارلاسقان قىراعى تۇرعىندارعا العىس ايتامىز", - دەيدى يۋۆەنالدىق پوليتسيا باستىعى ەلميرا ابۋشەۆا.
پوليتسيا قىزمەتكەرلەرىنىڭ تاجىريبەسىندە اتا-انالارى دۇكەنگە نەمەسە جاقىن ماڭداعى جەرگە بارىپ كەلۋى ءۇشىن ۇيىقتاپ جاتقان بالالارىن قاراۋسىز قالدىرىپ, كەلگەن ۋاقىتتا ۇرەي تۋعىزعان وقيعالاردىڭ ورىن العان جاعدايلارى ءجيى كەزدەسەدى. وتكەن اپتادا جامبىل كوشەسىندەگى ۇيدەن پوليتسياعا قوڭىراۋ تۇسكەن. ايەل 2 جاستاعى بالاسىن از ۋاقىتقا قاراۋسىز قالدىرعان. ويانعان بوبەك ەسىكتى ىشتەن جاۋىپ الىپ, قايتا اشا الماي, اناسىن دالادا قالدىرعان. تاعى ءبىر جاعداي وسى جازدا ورىن العان. ۇيقىدان ويانعان بيىك ۇيدەگى بوبەك تەرەزەنى اشىپ, ودان باسىن شىعارىپ, اناسىن شاقىرىپ تۇرعانىن كورگەن تۇرعىندار دا پوليتسياعا حابارلاعان. ابىروي بولعاندا بۇل جولى دا بوبەك امان قالعان ەدى.
