ۆيكتور رەيباندت ءتورت اياقتى كومەكشىسىمەن اققايىڭ اۋدانىنا جول تارتادى. وندا ءوز ۇيىندە پىشاق جاراقاتىمەن 58 جاسار اۋىل تۇرعىنىنىڭ ءمايىتى تابىلعان بولاتىن. اۋداندىق پوليتسيا ءبولىمىنىڭ قىزمەتكەرلەرى كورشى ۇيلەردىڭ بىرىندە 1993 جىلعى كۇدىكتىنى انىقتادى. كينولوگ كۇدىكتىنىڭ ۇيىنەن باستاپ قىزمەتتىك-ىزدەستىرۋ ءيتىن قولدانادى. امۋر ىزگە ءتۇسىپ, پوليتسەيلەردى اۋلا ارقىلى كوشەگە شىعىپ, كۇدىكتى ادامدى كورسەتىپ بەرگەن. پوليتسەيلەردى بايقاعان ول قاشپاق كەزدە ۇستالدى. قازىرگى ۋاقىتتا قىلمىستىق ءىس سوتقا جىبەرىلدى.
"امۋر قىلمىسكەرلەردى ۇستاۋعا ۇيرەتىلگەن, كوشەدە ادامدار بولعاندىقتان كينولوگ وعان ۇستاۋ تۋرالى نۇسقاۋ بەرۋدەن باس تارتقان», - دەدى سقو پوليتسيا دەپارتامەنتى كينولوگيالىق قىزمەت ورتالىعىنىڭ باستىعى پوليتسيا مايورى سامات تولەباەۆ..
جىل باسىنان سقو پد كينولوگيالىق قىزمەت ورتالىعىنىڭ جانە اۋداندىق بولىنىستەردىڭ قىزمەتتىك-ىزدەستىرۋ يتتەرىن قولدانۋمەن 730 قىلمىس اشىلدى. ونىڭ جارتىسىنا جۋىعى-ۇرلىق. سونداي, ءتارتىپ ساقشىلارىنىڭ كىشكەنتاي كومەكشىلەرى 18 توناۋ مەن 4 ادام ءولتىرۋدى اشۋعا قاتىستى.
