قوعام • 24 قازان، 2020

بولات نازارباەۆ قوعامدىق قورى تالدىقورعاندا “تاۋبە” جاڭا مەشىتىن اشتى

93 رەت كورسەتىلدى

تالدىقورعان قالاسىندا بولات نازارباەۆتىڭ "ساليقالى ۇرپاق" قوعامدىق قورىنىڭ قاراجاتىنا سالىنعان جاڭا مەشىتتىڭ اشىلۋ ءراسىمى ءوتتى، دەپ حابارلايدى Egemen.kz.

قۇرىلىس 2018 جىلى تالدىقورعان قالاسىنىڭ ءۇشىنشى ءبولىمىنىڭ اۋماعىندا باستالدى. ەكى جىلدان سوڭ كولەمى 2 000 شارشى مەتر بولاتىن جاڭا مەشىت جاماعات يگىلىگى ءۇشىن ەسىگىن ايقارا اشتى.

"تاۋبە" قالالىق مەشىتى ءۇش مىڭعا جۋىق ادامدى قابىلداي الادى. زاماناۋي ارحيتەكتۋرالىق شەشىمدەر قابىلدانعان مەشىتتىڭ قۇرىلىسى ەرەكشە سالىنعان.

ەكى قاباتتان تۇراتىن "تاۋبە" مەشىتىندە بيىكتىگى 40 مەتر بولاتىن ەكى مۇنارا بار. كۇمبەزدىڭ ديامەترى – 18 مەتر، بيىكتىگى – 10 مەتر. اشىلۋ سالتاناتىن قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى باستاپ، تۇرعىنداردى قالانىڭ ءسانى مەن ىزگىلىكتىڭ نىشانىنا اينالاتىن جاڭا ساۋلەتتى عيماراتتىڭ قۇرىلىسىنىڭ اياقتالۋىمەن قۇتتىقتادى: "قازاقستان مۇسىلماندارى ءدىني باسقارماسىنىڭ اتىنان جانە ءوزىمنىڭ اتىمنان ءدىندى دامىتۋعا ەلەۋلى ۇلەس قوسقان قورعا العىسىمدى بىلدىرگىم كەلەدى. ولاردىڭ كومەگىمەن عاسىرلار بويى ءبىزدىڭ سەنىمىمىزدى ۇرپاقتارعا تاراتاتىن مەشىت پەن مەدرەسە سالىندى".

مەشىتتە ناماز وقۋ ءۇشىن قولايلى جاعداي جاسالعان. عيماراتتا كونديتسيالاۋ جۇيەسى قولدانىلىپ، بارلىق ناماز وقۋ زالدارىندا "جىلى ەدەن" جۇيەسى ەنگىزىلگەن. قاۋىپسىزدىكتى ساقتاپ، رەسپيراتورلىق ينفەكتسياسىنىڭ تارالۋىنىڭ الدىن-الۋ ماقساتىندا مەشىتتە سانيتاريالىق-ەپيدەميولوگيالىق تالاپتار ساقتالعان.

«مەشىت – قالانىڭ دامۋىنىڭ ايقىن ۇلگىسى. مەشىتتىڭ اشىلۋ راسىمىنە دەيىن ستۋدەنتتەرگە ارنالعان جاتاقحانانى ارالادىق. بارلىق جاعداي جاسالعان. جاستار – ەلىمىزدىڭ بولاشاعى. سونىمەن قاتار، جاستار ورتالىعىنا بارىپ، قازاقستان حالقى اسسامبلەياسىنىڭ وكىلدەرىمەن كەزدەستىك. بۇل جاقتا ۇلتارالىق جانە دىنارالىق كەلىسىمگە ۇلكەن ءمان بەرىلگەن»، - دەدى قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى.

ەرمەك كەلەمسەيىت، الماتى وبلىسىنىڭ اردارگەرلەر كەڭەسىنىڭ توراعاسى: - بىرىنشىدەن، بۇل ماڭدا 600 وتباسى وتىرادى. جاستارى بار، باسقاسى بار. سول بالالارعا وسىنداي مەشىتكە دەگەن مۇقتاجدىق بولۋى مۇمكىن ەدى. بۇل ناعىز جەتىسۋ حالقىنا، تالدىقورعان جۇرتشىلىعىنا ۇلكەن قۇرمەت، جاقسى سىي بولدى.

«ساليقالى ۇرپاق» قوعامدىق قورى ءدىندار جانە مۇقتاج جاندارعا ەرەكشە كوڭىل بولەدى. قوردى 2016 جىلى بولات نازارباەۆ قۇرعان ەدى.

وسى ۋاقىتقا دەيىن ونىڭ قولداۋىمەن الماتى وبلىسىندا 350 ورىنعا ارنالعان مەشىت، الماتى قالاسىندا 1 000 ادامعا ارنالعان مەشىت سالىندى.

2020 جىلى قور كوروناۆيرۋسقا قارسى كۇرەس ءۇشىن 150 ميلليون تەڭگە ءبولدى.

تۇركىستان وبلىسىنىڭ ماقتارال اۋدانىندا سۋ تاسقىنىنان زارداپ شەككەن وتباسىلارعا جيىرما ءۇي سالىپ بەردى. العاشقى كۇنى-اق جاپا شەككەن جاندارعا 20 توننا گۋمانيتارلىق جۇك جەتكىزدى. از قامتىلعان وتباسىلاردىڭ 20 بالاسى جازعى لاگەردە دەمالدى.

سونىمەن قاتار، الماتى قالاسى مەن الماتى وبلىسىنىڭ از قامتىلعان وتباسىلاردىڭ وقۋشىلارىن قولداۋ ماقساتىندا جەكە قاراجاتىنان قاشىقتان ءبىلىم الۋ ءۇشىن 1 000 نوۋتبۋك ۇلەستىردى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار