القا وتىرىسىنا دەنساۋلىق ساقتاۋ مينيسترلىگىنىڭ باسشىلىق قۇرامى, وڭىرلەردىڭ, رەسپۋبليكالىق ماڭىزى بار قالالاردىڭ جانە نۇر-سۇلتان قالاسىنىڭ دەنساۋلىق ساقتاۋ باسقارمالارىنىڭ باسشىلارى, بەيىندى كوميتەتتەر مەن مەديتسينالىق ۇيىمداردىڭ ايماقتىق بولىمشەلەرى قاتىستى.
"دەنساۋلىق ساقتاۋدى دامىتۋ ستراتەگياسى مەملەكەت باسشىسىنىڭ بيىلعى 1 قىركۇيەكتەگى قازاقستان حالقىنا جولداۋىندا كورىنىس تاپتى, وندا پرەزيدەنت كوروناۆيرۋسىندەتىنە قارسى كۇرەستە اۆانگارد رەتىندە سالاعا ەرەكشە نازار اۋداردى. پاندەميا جاعدايىندا دارىگەرلەر مەن سانيتارلىق-ەپيدەميولوگيالىق قىزمەت ماماندارىنىڭ جۇمىسناتيجەلەرى تىكەلەي الەۋمەتتىك ماڭىزعا يە ەكەنى اتالدى, ءتىپتى ناقتى ادامداردىڭ ءومىرى عانا ەمەس, جالپى تۇتاستاي قوعامنىڭ تۇراقتىلىعى دا بايلانىستى. سوندىقتان مەديتسينا قىزمەتكەرلەرىن الەۋمەتتىك قولداۋ شارالارى مەملەكەتتىڭ ەرەكشە باقىلاۋىندا", - دەدى ا.تسوي.
2020 جىلدىڭ ناۋرىز ايىنان باستاپ بۇگىنگى كۇنگە دەيىن مەديتسينا قىزمەتكەرلەرىنە 84,4 ملرد تەڭگە سوماسىندا ىنتالاندىرۋ تولەمدەرى بەرىلگەن. ۇستەمەاقىلار جىل سوڭىنا دەيىن تولەنەدى, بۇعان 136,8 ملرد تەڭگە سوماسىندا قاراجات ءبولىندى.
سونىمەن قاتار, مەملەكەت باسشىسى اعىمداعى جىلدان باستاپ دارىگەرلەردىڭ جالاقىسىن كەزەڭ-كەزەڭمەن كوتەرۋ جانە 2023 جىلعا قاراي ەكونوميكاداعى ورتاشا جالاقىدان ەكى ەسە جوعارى دەڭگەيگە جەتكىزۋ مىندەتىن قويدى.
"2021 جىلى 247 مىڭ مەديتسينا قىزمەتكەرىنىڭ جالاقىسىن كوتەرۋگە 222,3 ملرد تەڭگە, 2022 جىلى – 361,7 ملرد تەڭگە, 2023 جىلى – 557,5 ملرد تەڭگە كولەمىندە شىعىستار كوزدەلگەن. وسىلايشا, 2023 جىلى دارىگەرلەردىڭ ورتاشا جالاقىسى شامامەن 561 مىڭ تەڭگەنى قۇرايدى", - دەدى ا.تسوي.
اۋىلدىق جەرلەردەگى جاس دارىگەرلەردى قولداۋ ءۇشىن 2019 جىلى 849 مامانعا كوتەرمە جاردەماقى تولەندى, 659 مامانعا تۇرعىن ءۇي ۇسىنىلدى, 142 مامانعا وزگە دە الەۋمەتتىك قولداۋ شارالارى كورسەتىلدى. 2020 جىلى پراكتيكالىق دەنساۋلىق ساقتاۋ قاجەتتىلىگىنە سايكەس 2 327 جاس مامان جۇمىسقا ورنالاستىرىلدى. ەلىمىز بويىنشا دارىگەرلەرمەن جالپى قامتاماسىز ەتۋ 74 مىڭنان استام ماماندى قۇرايدى. سOVID-19-عا قارسى كۇرەس بويىنشا قاجەتتى ماماندارمەن قامتاماسىز ەتۋ 28 مىڭدى قۇرادى.
جولداۋدا اتاپ كورسەتىلگەن تاعى ءبىر ماڭىزدى اسپەكت قازاقستاندا بارلىق بازالىق ءدارى-دارمەكتەر مەن مەديتسينالىق بۇيىمداردى ءوندىرۋ بولىپ تابىلادى. وسى تاپسىرمالاردى ىسكە اسىرۋ شەڭبەرىندە يندۋستريا جانە ينفراقۇرىلىمدىق دامۋ مينيسترلىگى مەن دەنساۋلىق ساقتاۋ مينيسترلىگى بىرلەسىپ, فارماتسەۆتيكالىق ونەركاسىپتى دامىتۋدىڭ 2025 جىلعا دەيىنگى كەشەندى جوسپارىن ازىرلەدى.
دەنساۋلىق ساقتاۋدىڭ زاماناۋي, باسەكەگە قابىلەتتى, قولجەتىمدى جانە ءتيىمدى جۇيەسىن قۇرۋ ءۇشىن دەنساۋلىق ساقتاۋ ينفراقۇرىلىمىن دامىتۋدى قامتاماسىز ەتۋ قاجەت. وسى تاپسىرمالاردى ورىنداۋ اياسىندا وڭىرلەردە 13 مودۋلدىك جۇقپالى اۋرۋلار اۋرۋحاناسى سالىنۋدا, سونداي-اق وسكەمەن جانە تاراز قالالارىندا ءۇش نىسانعا جوندەۋ جۇمىستارى جۇرگىزىلۋدە.
ەلدىڭ عىلىمي جانە مەديتسينالىق الەۋەتىن شوعىرلاندىرۋ ءۇشىن 2023 جىلدىڭ سوڭىنا قاراي قازىرگى جانە ىقتيمال ەپيدەميولوگيالىق قاۋىپ-قاتەرلەرگە دەن قويۋ ءۇشىن نۇر-سۇلتان جانە الماتى قالالارىندا ارقايسىسى 500 توسەكتىك ينفەكتسيالىق اۋرۋلار بويىنشا ەكى كوپسالالى عىلىمي ورتالىق سالىنادى. 2025 جىلعا دەيىن توسەك قورىن جاڭارتۋدىڭ 50% قامتاماسىز ەتۋ ءۇشىن مەملەكەتتىك-جەكەمەنشىك سەرىكتەستىكتەر ەسەبىنەن ەلىمىزدىڭ ايماقتارىندا 20 ءىرى زاماناۋي مەديتسينالىق ورتالىقتار قۇرىلادى. بۇل حالىقارالىق ساپا تالاپتارىنا سايكەس حالىققا جوعارى تەحنولوگيالىق مەديتسينالىق كومەكتىڭ بارلىق سپەكترىن كورسەتەتىن كوپسالالى اۋرۋحانالار.
مەملەكەت باسشىسى العاشقى مەديتسينالىق-سانيتارلىق كومەكتى ۇيىمداستىرۋدىڭ تاسىلدەرىن تۇبەگەيلى قايتا قاراۋدى تاپسىردى. قازىرگى كەزدە مينيسترلىك 2021-2023 جىلدارعا ارنالعان العاشقى مەديتسينالىق-سانيتارلىق كومەك كورسەتۋدى جاقسارتۋ بويىنشا, ونىڭ ىشىندە ءبىرىنشى كەزەكتە اۋىل تۇرعىندارىنا العاشقى مەديتسينالىق-سانيتارلىق كومەكتىڭ قول جەتىمدىلىگىن ارتتىرۋ جونىندەگى شارالاردى ازىرلەپ جاتىر.
مەديتسينالىق كومەكتىڭ قول جەتىمدىلىگىن ارتتىرۋ ءۇشىن اۋىلدىق ەلدى مەكەندەر ءۇشىن اۆتوبۋس نەگىزىندەگى 100 جىلجىمالى مەديتسينالىق كەشەندەر ساتىپ الىنۋدا, ونىڭ ىشىندە 25 قوندىرعى ايماقتارعا جەتكىزىلدى. سونىمەن قاتار الداعى ءۇش جىلدا اۋىلدىق ەلدى مەكەندەردى دارىگەرلىك امبۋلاتوريالارمەن جانە فەلدشەرلىك-اكۋشەرلىك پۋنكتتەرمەن قامتاماسىز ەتۋ جوسپارلانىپ وتىر.
القا قورىتىندىسى بويىنشا ا.تسوي دەنساۋلىق ساقتاۋ مينيسترلىگىنىڭ ۆەدومستۆولارى مەن قۇرىلىمدىق بولىمشەلەرىنىڭ باسشىلارىنا جالپىۇلتتىق جوسپار شەڭبەرىندە اتالعان ءىس-شارالاردى ورىنداۋ جونىندە تاپسىرما بەردى.
