ۆەدومستۆو باسشىسى وڭىرگە ساپار بارىسىندا ەڭ الدىمەن كەللەر اۋلىنا ات باسىن تىرەپ, «اشىق اكىمدىك» فرونت-كەڭسەسىنىڭ اشىلۋىنا قاتىستى.
بۇدان بىلاي كەللەر اۋىلدىق وكرۋگىنىڭ تۇرعىندارى اكىم اپپاراتىنىڭ ماماندارى مەن ۆەتەرينارلىق دارىگەردىڭ كومەگىنە فرونت-كەڭسەدە جۇگىنە الاتىن بولدى. وعان قوسا ورتالىق وتىنىشتەردى قابىلداۋ سەكتورى, وزىنە-ءوزى قىزمەت كورسەتۋ ورنى جانە الەۋمەتتىك روليكتەردى تاراتاتىن ەكرانمەن جابدىقتالعان.
«مەن اۋىل حالقىنا مەملەكەتتىك قىزمەتتەردى بارىنشا قولجەتىمدى ەتۋ ءۇشىن جاقسى جاعداي جاسالعان دەپ ەسەپتەيمىن. باستالعان جۇمىستىڭ سوڭى بار. ەندى تۇرعىنداردى تسيفرلىق ساۋاتتىلىققا ۇيرەتۋ كەرەك. حقكو تاجىريبەسىنە ساي, تولەمدەر ءۇشىن بانكوماتتار مەن تەرمينالدار ورناتۋ قاجەت», - دەدى اليك شپەكباەۆ.
اگەنتتىك توراعاسى مەملەكەتتىك قىزمەت كورسەتۋلەردى اۆتوماتتاندىرۋدىڭ ماڭىزدىلىعىنا نازار اۋداردى. انتيكور جەتەكشىسى پرەزيدەنتتىڭ تاپسىرماسى مەن حالىقارالىق ستاندارتتارعا ساي بولۋ ءۇشىن مەملەكەتتىك قىزمەت كورسەتۋلەردى 100% ەلەكتروندى نۇسقاعا اۋدارۋ قاجەتتىگىن ەرەكشە اتاپ ءوتتى. ەلەكتروندى ۇكىمەتتىڭ دامۋى بويىنشا بۇگىنگى تاڭدا قازاقستان بۇۇ ەلدەرى اراسىندا 194 مەملەكەتتىڭ ىشىندە 28 ورىندا تۇر. بۇل رەسپۋبليكادا تسيفروۆيزاتسيانىڭ دامۋ قارقىنىنىڭ جىلدامدىعىن دالەلدەيدى.
«اشىق اكىمدىك» قوعامدىق قابىلداۋ تۇرىندە دە قىزمەتىن اتقاراتىن بولادى. ەندى اۋىلدىق وكرۋگ اكىمى ءبىرىنشى قاباتتا «open space» كابينەتتە ورنالاسادى. جەكە قابىلداۋعا نيەت بىلدىرۋشىلەرگە بۇل وتە قولايلى.
ء«بىزدىڭ ماقساتىمىز – ءتۇرلى قىزمەتتەر مەن كەڭەستەردى ءبىر ورىندا كورسەتۋ ارقىلى ادامداردىڭ ۋاقىتىن ۇنەمدەۋ. بۇعان دەيىن, ماسەلەنى شەشۋ ءۇشىن شارتتى تۇردە 10-15 كۇن قاجەت بولسا, بۇگىندە نەبارى 2-3 كۇن عانا كەتەدى», - دەدى وبلىس اكىمى قۇمار اقساقالوۆ.
ورتالىقتىڭ اشىلعانىنا اۋىل تۇرعىندارى ءدان ريزا. قۋانىشتارىن جاسىرماعان اقساقالدار ەندى كومەككە جۇگىنۋ ءۇشىن اۋدان ورتالىعىنا ات تەرلەتۋدىڭ قاجەتى جوق دەيدى. ايتا كەتۋ كەرەك, كەللەر اۋلى بۇرىن اۋدان ورتالىعى بولعان.
ايتا كەتۋ كەرەك, اگەنتتىك توراعاسىنىڭ باعدارلاماسىندا پەتروپاۆل قالاسىنداعى «AGROKÓMEK» سەرۆيستىك ورتالىعىنىڭ اشىلۋى دا بار.
