پرەزيدەنت • 24 قازان، 2020

پرەزيدەنت بۇۇ باس حاتشىسى انتونيۋ گۋتەرريشكە جەدەلحات جولدادى

16 رەت كورسەتىلدى

قاسىم-جومارت توقاەۆ بىرىككەن ۇلتتار ۇيىمىنىڭ 75 جىلدىعىنا وراي بۇۇ باس حاتشىسى انتونيۋ گۋتەرريشكە قۇتتىقتاۋ جەدەلحاتىن جولدادى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

– بۇگىندە بارلىق ۇلتتار وتكەنگە كوز جۇگىرتە وتىرىپ، بۇۇ-نىڭ وسى جىلدار ىشىندە قول جەتكىزگەن ۇزدىكسىز ىلگەرىلەۋدىڭ جارقىن جولىن ماقتانىشپەن باعالاي الادى. ءتىپتى قازىرگى، الەم باستان كەشىپ وتىرعان گەوساياسات پەن ەكونوميكاداعى، اسىرەسە، دەنساۋلىق ساقتاۋ سالاسىنداعى اۋىر داعدارىستى باستان وتكەرىپ وتىرعان كەزدە، بۇۇ-نا ميلليونداعان ادامدار، ونىڭ ىشىندە، وسال توپتار ۇلكەن ۇمىتپەن قارايدى، – دەلىنگەن جەدەلحاتتا.

مەملەكەت باسشىسى بۇۇ جۇيەسىنىڭ تيىمدىلىگىن، ەسەپ بەرەتىندىگىن جانە مامىلەگەرشىلىگىن ارتتىرۋعا باعىتتالعان انتونيۋ گۋتەرريشتىڭ ستراتەگياسى مەن اينىماس كۇش-جىگەرىن تولىق قولدايتىنىن اتاپ ءوتتى.

– ءبىز بىرىككەن ۇلتتار ۇيىمىنىڭ جارعىسىندا بەكىتىلگەن نەگىزگى ماقساتتار مەن قاعيداتتاردىڭ ساقتالۋىنا جانە قورعالۋىنا تىكەلەي جاۋاپتىمىز. بۇۇ-نىڭ تۇراقتى، قاۋىپسىز جانە ينكليۋزيۆتى بولاشاقتى قامتاماسىز ەتۋگە باعىتتالعان ءىس-قيمىلدارىن قازاقستان تولىعىمەن قولدايتىنىن راستايمىن، – دەدى قازاقستان پرەزيدەنتى.

جەدەلحاتتا قاسىم-جومارت توقاەۆ انتونيۋ گۋتەرريشكە جانە بۇۇ-نىڭ بارشا قىزمەتكەرىنە يگى باستامالارىنىڭ تابىستى بولۋىنا تىلەكتەستىك ءبىلدىردى.

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار