شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 22 قازان كۇنى ساعات 16.44-تە ۇلان اۋدانى پرولەتاركا اۋىلىنداعى يۋجنايا كوشەسىندە ورنالاسقان جەر ءۇيدىڭ قوراسىندا ءورت شىققان. وقيعا ورنىنا كەلىپ جەتكەن قۇتقارۋشىلار جالپى اۋدانى 14 شارشى مەتردى قۇراعان جالىندى اۋىزدىقتادى.
ء"ورت سوندىرۋشىلەر قورانىڭ ىشىنەن ءيىس تيۋ بەلگىلەرى بار 1957 جىلى تۋعان ەر ادامنىڭ ءمايىتىن تاپتى. ءتىلسىز جاۋدىڭ شىعۋ سەبەبى – تەمەكى شەگۋ كەزىندەگى ابايسىزدىقتان بولۋى مۇمكىن", دەپ حابارلادى ۆەدومستۆو وكىلدەرى.
وسى رەتتە, تجد ادام ولىمىنە كوبىنەسە ءورت ەمەس, ءيىس تيۋ سەبەپ بولاتىندىعىن مالىمدەدى.
سونبەگەن تەمەكى تۇقىلىنىڭ تەمپەراتۋراسى +300-420 س قۇرايدى. وسىندايدا وت 4-8 مينۋت ىشىندە تۇتانۋى ىقتيمال.
