پرەزيدەنت • 23 قازان، 2020

پرەزيدەنت قىزىلوردا وبلىسىنىڭ اكىمىن قابىلدادى

102 رەت كورسەتىلدى

قازاقستان پرەزيدەنتىنە بيىلعى 9 اي ىشىندەگى قىزىلوردا وبلىسىنىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشتەرى تۋرالى ەسەپ بەرىلدى، دەپ حابارلايدى اقوردانىڭ ءباسپاسوز قىزمەتى.

گۇلشارا ابدىقالىقوۆا قاسىم-جومارت توقاەۆقا قىزىلوردا وبلىسىنىڭ 2023 جىلعا دەيىنگى ەكونوميكالىق دامۋ جوسپارىنىڭ ازىرلەنۋى تۋرالى مالىمەت بەردى. وندا ەكونوميكانىڭ ءتۇرلى سالالارى بويىنشا قۇنى 271 ميلليارد تەڭگە بولاتىن 265 جوبانى جۇزەگە اسىرۋ جانە 4610 تۇراقتى جۇمىس ورنىن اشۋ قاراستىرىلۋدا. وبلىس اكىمىنىڭ ايتۋىنشا، بيىل جالپى قۇنى 26 ميلليارد تەڭگە بولاتىن 110 جوبا ىسكە اسىرىلا باستاعان. بۇل باستامالار اياسىندا 2000 جۇمىس ورنى اشىلادى.

قازاقستان پرەزيدەنتىنە 15،5 مىڭ گەكتار جەرگە ەگىلگەن ءداندى جانە مايلى داقىلداردى جيناۋ ناۋقانىنىڭ اياقتالعانى جونىندە اقپارات بەرىلدى. 551،3 مىڭ توننا كۇرىش جينالىپ، جاقسى كورسەتكىشكە قول جەتكىزىلگەن. وبلىس اكىمى مەملەكەت باسشىسىنا جۇمىسپەن قامتۋدىڭ جول كارتاسىنىڭ ىسكە اسىرىلۋ بارىسى تۋرالى ايتتى.

بۇل باعدارلاما اياسىندا ينفراقۇرىلىمدىق جوبالاردى جۇزەگە اسىرۋ ءۇشىن 38 ميلليارد تەڭگە تارتىلىپ، 9 مىڭنان استام جۇمىس ورنى اشىلعان. سونىمەن قاتار قاسىم-جومارت توقاەۆقا وبلىستاعى كوروناۆيرۋسپەن كۇرەسكە قارسى قابىلدانعان شارالار تۋرالى باياندالدى. ءوڭىر اكىمىنىڭ ايتۋىنشا، قازىرگى تاڭدا بارلىق مەديتسينالىق ۇيىمدار شتاتتىق رەجيمدە جۇمىس ىستەپ جاتىر. قاجەت بولعان جاعدايدا 21 جۇقپالى اۋرۋلار ستاتسيونارىندا قوسىمشا 3200-گە دەيىن توسەك ورىن دايىنداۋعا مۇمكىندىك بار.

ايماق قاجەتتى ءدارى-دارمەكتەرمەن جانە قورعانىش قۇرالدارىمەن تولىق قامتاماسىز ەتىلگەن. گۇلشارا ابدىقالىقوۆا پرەزيدەنتكە 200 ورىندىق ءمودۋلدى جۇقپالى اۋرۋلار اۋرۋحاناسىنىڭ قۇرىلىسى باستالعانىن جەتكىزدى. نىسان وسى جىلدىڭ 1 جەلتوقسانىنا دەيىن ىسكە قوسىلادى دەپ جوسپارلانىپ وتىر.

كەزدەسۋ سوڭىندا مەملەكەت باسشىسى قىزىلوردا وبلىسىنىڭ اكىمىنە قايتا وڭدەۋ ونەركاسىبىندەگى ءوسىم كورسەتكىشىن جاقسارتۋ، شاعىن جانە ورتا بيزنەسكە قولداۋ كورسەتۋ، ەكونوميكالىق جوبالاردى ءارتاراپتاندىرۋ قاجەتتىگىنە قاتىستى بىرقاتار تاپسىرما بەردى. سونداي-اق پرەزيدەنت وڭىردەگى ەپيدەميولوگيالىق احۋالدى قاتاڭ باقىلاۋدا ۇستاۋدى تاپسىردى.



سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار