قوعام • 23 قازان، 2020

ەلوردا اكىمدىگىندە سىبايلاس جەمقورلىقتىڭ الدىن الۋ جۇمىستارى تۋرالى ايتىلدى

39 رەت كورسەتىلدى

#ANTIKOR.LIVE جوباسى اياسىندا Antikor Ortalygy الاڭىندا نۇر-سۇلتان قالاسى اكىمىنىڭ ورىنباسارى باقتيار ماكەن مەن قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ مەملەكەتتىك قىزمەت دەپارتامەنتى باسشىسىنىڭ ءبىرىنشى ورىنباسارى جازيرا جىلقىشيەۆامەن الەۋمەتتىك جەلىلەردە ونلاين-ديالوگ ءوتتى، دەپ حابارلايدى Egemen.kz.

تىكەلەي ەفير بارىسىندا اكىمنىڭ ورىنباسارى باقتيار ماكەن جۇرگىزىلىپ جاتقان جۇمىستار تۋرالى ايتىپ، قويىلعان سۇراقتارعا جاۋاپ بەردى. ونىڭ ايتۋىنشا، سىبايلاس جەمقورلىق تاۋەكەلدەرىن ايتارلىقتاي تومەندەتەتىن باعىتتاردىڭ ءبىرى - مەملەكەتتىك قىزمەتتەردى ونلاين-فورماتقا اۋىستىرۋ. ەلوردادا بۇل جۇمىستى جىل سوڭىنا دەيىن 100%-عا دەيىن جەتكىزۋ جوسپارلانىپ وتىر.

"بيزنەس-ۇدەرىستەردى وڭتايلاندىرۋ، اكىمشىلىك كەدەرگىلەردى جويۋ جانە مەملەكەتتىك قىزمەتتەردى اۆتوماتتاندىرۋ سىبايلاس جەمقورلىق تاۋەكەلدەرىن تومەندەتەدى. بۇگىندە اكىمدىك 160 مەملەكەتتىك قىزمەت كورسەتۋدە، ونىڭ 140-ى اۆتوماتتاندىرىلعان، بۇل 88%-دى قۇرايدى. وسى جىلدىڭ سوڭىنا دەيىن ءبىز بارلىق مەملەكەتتىك قىزمەتتەردى تولىق تسيفرلاندىرعىمىز كەلەدى"، – دەدى تىكەلەي ەفير بارىسىندا باقتيار ماكەن.

سونىمەن قاتار بۇگىندە دەنساۋلىق پاسپورتتارىن ەلەكتروندى فورماتقا كوشىرۋ جۇمىستارى تولىق اياقتالدى. سونداي-اق، مەملەكەت باسشىسىنىڭ تاپسىرماسى بويىنشا ينجەنەرلىك جەلىلەردى تسيفرلاندىرۋ جۇرگىزىلۋدە. بۇل بىرنەشە ماسەلەنى شەشۋگە، سونىڭ ىشىندە جەلىدەگى جۇكتەمەلەردى كورۋگە، قالا قۇرىلىسى پروتسەستەرىن اۋىستىرۋدى، بولجاۋدى جانە مودەلدەۋدى جوسپارلاۋعا مۇمكىندىك بەرەدى. سونداي-اق، ەلوردادا شىعىنداردى وڭتايلاندىرۋعا كوپ كوڭىل بولىنەدى.

"مادەني-بۇقارالىق جانە يميدجدىك ءىس-شارالار مەن كولەمدى شىعىندار قىسقارتىلدى، دامۋ بيۋدجەتى بويىنشا شىعىستار قايتا قارالدى. وسىلايشا، بيزنەس-پروتسەستەردى وڭتايلاندىرۋ، قايتا ۇيىمداستىرۋ جانە قايتالاناتىن فۋنكتسيالاردى الىپ تاستاۋ ەسەبىنەن 35 ملرد تەڭگەدەن استام ۇنەمدەۋ قامتاماسىز ەتىلدى، ولار الەۋمەتتىك ماڭىزى بار جوبالاردى ىسكە اسىرۋعا جانە ازاماتتاردى مەملەكەتتىك قولداۋدى قامتاماسىز ەتۋگە باعىتتالعان"، – دەدى باقتيار ماكەن.

ايتا كەتەيىك، ەلوردالىق وقۋشىلار قاشىقتان وقىتۋعا كوشكەننەن كەيىن، كومپيۋتەرلەرمەن جانە قاجەتتى تەحنيكامەن تولىق قامتاماسىز ەتىلدى. نۇر-سۇلتاندا سىبايلاس جەمقورلىق تاۋەكەلدەرىن بولدىرماۋ بويىنشا جۇمىس تۇراقتى تۇردە جۇرگىزىلەدى.

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار