اتاپ ايتقاندا, رەسپۋبليكالىق ماڭىزى بار - 61 شاقىرىمدىق 3 جولعا ورتاشا جوندەۋ جۇمىستارى جۇرگىزىلۋدە. ونىڭ ىشىندە, 22 شاقىرىمى اۋدان اۋماعىندا ورىن العان توتەنشە جاعدايدى قالپىنا كەلتىرۋ ماقساتىندا ىسكە اسىرىلۋدا. ال وبلىستىق ماڭىزى بار - 61,2 شاقىرىمدىق 7 جولعا جوندەۋ جۇمىستارى جۇرگىزىلۋدە. ونىڭ 5,9 شاقىرىمى توتەنشە جاعدايدى قالپىنا كەلتىرۋ ماقساتىندا ىسكە اسىرىلىپ جاتىر. اۋداندىق ماڭىزى بار - 74,7 شاقىرىمدىق 56 كوشە كۇردەلى جانە ورتاشا جوندەۋدەن وتۋدە. ونىڭ 26 شاقىرىمى سۋ تاسقىنىنان ورىن العان توتەنشە جاعدايدى قالپىنا كەلتىرۋ ماقساتىندا ىسكە اسىرىلىپ كەلەدى. سونىمەن قاتار, اۋدانداعى 94 توپىراق كوشەگە اعىمداعى جوندەۋ جۇمىستارى ەسەبىنەن تاس توسەلدى.
جىل سوڭىنا دەيىن كوشەلەر تولىق پايدالانۋعا بەرىلەتىن بولادى. اتالعان جۇمىستاردىڭ قورىتىندىسىمەن ماقتاارال اۋدانىنداعى رەسپۋبليكالىق, وبلىستىق جانە اۋداندىق ماڭىزى بار جولداردىڭ جاقسى جانە قاناعاتتى جاعدايداعى ۇلەسى 90 پايىزعا جەتەتىن بولادى.
