قازاقستان • 23 قازان، 2020

تەرروريستىك تۇرعىدان وسال نىساندارعا ايىپپۇل سالىندى

9 رەت كورسەتىلدى

كولىكتەگى پوليتسيا دەپارتامەنتى جىل سايىن ەلىمىزدىڭ تەمىرجول ۆوكزالدارى مەن اۋەجايلارىنىڭ تەرروريستىك تۇرعىدان وسال وبەكتىلەر رەتىندە تەرروريزمگە قارسى قورعالۋىنىڭ جاي-كۇيىنە تەكسەرۋ جۇرگىزەدى، دەپ حابارلايدى Egemen.kz

وسى جىلدىڭ 9 ايىندا كولىك پوليتسەيلەرىمەن كولىك ينفراقۇرىلىمىنىڭ 33 وبەكتىسى، ونىڭ ىشىندە 22 تەمىرجول ۆوكزالى جانە 11 اۋەجاي تەكسەرىلدى. بۇل تۋرالى دەپارتامەنتتىڭ ەكسترەميزمگە قارسى ءىس-قيمىل باسقارماسىنىڭ باستىعى ەرلان ءالىموۆ حابارلادى.

ونىڭ ايتۋىنشا، اكىمشىلىك سوتتاردىڭ شەشىمىمەن قر اقبتك-ءنىڭ 149-بابى، ياعني،  تەرروريستiك تۇرعىدان وسال وبەكتiنiڭ تەرروريزمگە قارسى قورعالۋىن قامتاماسىز ەتۋ جانە قاۋiپسiزدiگiنiڭ تيiستi دەڭگەيiن ساقتاۋ جونiندەگi مiندەتتەردi ورىنداماۋ جانە (نەمەسە) تيiسiنشە ورىنداماۋ بويىنشا تتو وبەكتىلەرىنىڭ 12 باسشىسى جاۋاپقا تارتىلدى، ولارعا جالپى سوماسى 13 ميلليون تەڭگەگە 100-دەن 1000 اەك-كە دەيىن ايىپپۇل تۇرىندە اكىمشىلىك جازا قولدانىلدى.

"تەرروريستىك تۇرعىدان وسال وبەكتىلەردىڭ باسشىلارى، قر "تەرروريزمگە قارسى ءىس-قيمىل تۋرالى" زاڭىنا سايكەس، مەنشىك نىسانىنا قاراماستان، سەنىپ تاپسىرىلعان وبەكتىنىڭ تەرروريزمگە قارسى قورعالۋىن قامتاماسىز ەتۋ، سونداي-اق اتقاراتىن قىزمەتتەرى مەن جۇكتەلگەن مىندەتتەرىنە قاراماستان، ءوز پەرسونالىن وقىتۋ، ءۇي-جايلاردى تەكسەرۋ تەحنيكاسى، جارىلعىش قۇرىلعىلاردىڭ ورناتىلۋى مۇمكىن ورىنداردى انىقتاۋ بويىنشا ءىس-شارالار وتكىزۋگە مىندەتتى"، دەدى ە.ءالىموۆ.

پوليتسيا پولكوۆنيگىنىڭ ايتۋىنشا، جىل سايىن رەسپۋبليكانىڭ تەمىرجول ۆوكزالدارى مەن اۋەجايلارىنىڭ سانى ارتىپ كەلەدى، ولار قر ۇكىمەتىنىڭ "تەرروريستىك تۇرعىدان وسال وبەكتىلەردىڭ تەرروريزمگە قارسى قورعالۋ جۇيەسىنە قويىلاتىن تالاپتاردى بەكىتۋ تۋرالى" قاۋلىسىنىڭ تالاپتارىنا سايكەس كەلتىرىلگەن جانە ولاردىڭ ينجەنەرلىك-تەحنيكالىق نىعايتىلۋى قاۋىپسىزدىكتىڭ ءتيىستى دەڭگەيىن قامتاماسىز ەتۋگە مۇمكىندىك بەرەدى.  

 

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار