ايماقتار • 23 قازان، 2020

اۋىل تۇرعىنىنا دەمەۋشىلەر كومەگىمەن ءۇي سالىنىپ جاتىر

34 رەت كورسەتىلدى

2020–2025 جىلدارعا ارنالعان "نۇرلى جەر" مەملەكەتتىك باعدارلاماسى اياسىندا جالاعاش كەنتىندەگى ءداۋىمباي ۋچاسكەسىندە 10 نەسيەلىك تۇرعىن ءۇيدىڭ قۇرىلىسى ءجۇرىپ جاتىر، دەپ حابارلايدى Egemen.kz

وعان وبلىستىق بيۋدجەتتەن 91 ملن، جەرگىلىكتى بيۋدجەتتەن 3،6 ملن تەڭگە ءبولىنىپ، قۇرىلىس مامىر ايىندا باستالعان.  بۇل باسپانالار جەر ۋچاسكەسىن الۋ كەزەگىنە تىركەلگەن ازاماتتارعا "قازاقستاننىڭ تۇرعىن ءۇي-قۇرىلىس جيناق بانكى" اق ارقىلى 14-15 جىل مەرزىمگە نەسيەگە بەرىلەدى. ءبىر ءۇيدىڭ باعاسى شامامەن 7،8 ملن تەڭگە بولىپ وتىر

وسى باسپانالاردىڭ ءبىرى دەمەۋشىلەر كومەگىمەن اقسۋ اۋىلىنىڭ تۇرعىنى ورىنبەك شايماعانبەتوۆكە تابىستامالماق. ورىنبەك شايماعامبەتوۆ وسى اۋداننىڭ تۋماسى. اسكەرگە بارىپ كەلىپ، وتباسىن قۇرىپ، جۇمىس ىستەپ جۇرگەن ازامات 2002 جىلى تەمىرجول اپاتىنا ۇشىراپ، 1 توپ مۇگەدەگى بولىپ قالادى. تاعدىر سىنىنا مويىماي تىرمىسىپ ەڭبەك ەتىپ، 2014 جىلدان باستاپ تىگىن تىگۋمەن اينالىسادى. 2015 جىلى اقنيەت  باعدارلاماسىمەن قايتارىمسىز 485 000 تەڭگە الىپ، كاسىپ اشىپتى. بىراق، وسى جىلى بۇل وتباسى تاعى ءبىر قيىندىققا ۇشىرايدى: ورىنبەكتىڭ جۇبايى جەمىسكۇل جول اپاتىنا ءتۇسىپ، جۇمىستان شىعىپ قالادى.

قازىر اقسۋ اۋىلىندا ءۇي جالداپ تۇرىپ جاتقان وتباسى جاقىن ارادا جەرلەستەرىنىڭ كومەگىمەن جاڭا باسپاناعا كىرمەك. جاڭا اۋدانداعى ءۇي قۇرىلىسى بارىسىمەن تانىسقان اۋدان اكىمى اسىلبەك شامەنوۆ شايماعامبەتوۆتەر وتباسىنا ارنالعان باسپانا جىل سوڭىنا دەيىن اياقتالاتىنىن ايتتى.  

     

سوڭعى جاڭالىقتار

ۇقساس جاڭالىقتار