ونىڭ ايتۋىنشا, مينيسترلىك "اۋىل – ەل بەسىگى" جوباسىنا ۇلتتىق جوبا مارتەبەسىن بەرۋ ماسەلەسىن پىسىقتاۋدا, ويتكەنى قارجى قاراجات ءتۇرلى باعدارلامالاردا قاراستىرىلعان.
ء"ار باعدارلاما جاقسى, دەگەنمەن ارقايسىنىڭ ءوز مىندەتى بار. بۇلاردى اۋىلداردى دامىتۋعا ۇيلەستىرۋ كەرەك. سوندىقتان ءبىز ۇلتتىق جوبانىڭ بولۋىن ۇسىنامىز. جوبالار تولاسسىز ىسكە اسىرىلادى. مىسالى, جولداردى "نۇرلى جول" ارقىلى, تۇرعىن ۇيلەردى "نۇرلى جەر" ارقىلى جاساۋعا بولادى, كرەديتتەۋدى قارجىلاندىرۋدى بجك (بيزنەستىڭ جول كارتاسى) جانە "ەڭبەك"ارقىلى ارتتىرۋدى قامتاماسىز ەتۋگە بولادى. مۇنىڭ ءبارى اۋىل ءومىرىن جاقسارتۋعا مۇمكىندىك بەرەدى", دەدى دالەنوۆ.
مينيستر مۇنىڭ مەملەكەتتىك باعدارلامالارعا وزگەرىستەر ەنگىزۋدى تالاپ ەتەتىنىن, بىراق "اۋىل – ەل بەسىگى" ۇلتتىق جوباسى جالعىز ماقساتتى, اۋىلداعى ءومىردى جاقسارتۋ ءۇشىن بارلىق مەملەكەتتىك باعدارلامالاردى ۇيلەستىرۋگە كومەكتەسەتىنىن اتاپ ءوتتى.
جوبا شەڭبەرىندە اۋىلداردىڭ اۋداندىق جانە وبلىس ورتالىقتارىنا دەيىن كولىكتىك قولجەتىمدىلىگىن قامتاماسىز ەتۋ, ءىرى تىرەك اۋىلداردا تۇرعىن ءۇي سالۋ جانە تىرەك جانە سپۋتنيكتىك اۋىلداردا تۇراتىن كاسىپكەرلەر مەن اۋىل تۇرعىندارىن قولداۋدى قارجىلاندىرۋدى ۇلعايتۋدى قامتاماسىز ەتۋ كوزدەلەدى.
دالەنوۆ ەلىمىزدەگى 6 322 اۋىلدا 7,7 ملن ادام نەمەسە ەل حالقىنىڭ 41%-ءى تۇراتىنىن اتاپ ءوتتى. سوڭعى 10 جىلدا اۋىل حالقى 310 مىڭ ادامعا, ال قالا حالقى 2 ميلليوننان استام ادامعا ءوستى. بۇل رەتتە ۋرباندالۋدىڭ جەدەل قارقىنىنا بايلانىستى سوڭعى جىلدارى اۋىل حالقىنىڭ ۇلەسى تومەندەۋدە.
ۇەم جۇرگىزگەن اۋىلدىق اۋماقتاردىڭ قاجەتتىلىكتەرىنە تالداۋ ءاربىر بەسىنشى اۋىلدا (21% نەمەسە 1 361 اۋىلدىق ەلدى مەكەن) مەكتەپتەر مەن بالاباقشالارعا, ال ءاربىر ءۇشىنشى اۋىلدا (33% نەمەسە 2 073 اۋىل) – اۋرۋحانالارعا, دارىگەرلىك امبۋلاتوريالارعا, فەلدشەرلىك-اكۋشەرلىك پۋنكتتەر مەن مەدپۋنكتەرگە جوندەۋ جۇرگىزۋ تالاپ ەتىلەتىنىن كورسەتتى. 2 مىڭنان استام اۋىلدى (36%) ساپالى اۋىز سۋمەن قامتاماسىز ەتۋ قاجەت, 30 مىڭ شاقىرىمعا جۋىق جەرگىلىكتى جول جوندەۋدى قاجەت ەتەدى.
ۇەم باسشىسى سونداي-اق قازىرگى ۋاقىتتا اۋىلداردا ءوزىن-ءوزى جۇمىسپەن قامتىعان حالىقتىڭ 33%-ءى نەمەسە 1,2 ملن ادام تۇراتىنىن حابارلادى.
