قوعام • 23 قازان، 2020

نۇر-سۇلتاندا بالالارعا ارنالعان ۇيىرمەلەر مەن سەكتسيالارى بار ەكى ورتالىق اشىلدى

18 رەت كورسەتىلدى

بيىل نۇر-سۇلتاندا وقۋشىلارعا ارنالعان قوسىمشا ءبىلىم بەرەتىن ەكى نىسان اشىلدى. اتالعان ورتالىقتار 900 بالانى ۇيىرمەلەرمەن جانە سپورت سەكتسيالارىمەن قامتيدى. بۇل تۋرالى قالالىق ءبىلىم باسقارماسىنىڭ باسشىسى شولپان قادىروۆا بريفينگتە ايتتى، دەپ حابارلايدى Egemen.kz.

"ارقا ALAN" ۇلتتىق سپورت تۇرلەرى ورتالىعىندا بالالار تەگىن قازاق كۇرەسى، اسىق اتۋ، بەس اسىق، توعىز قۇمالاق جانە شاحمات سپورت سەكتسيالارىمەن اينالىسىپ، 600-گە جۋىق بالا قاتىسا الادى. ەكىنشىسى - اrt Tumar ساندىك-قولدانبالى ونەر ورتالىعى. ول جەردە توقۋدى، زەرگەرلىك ونەردى، اعاشتى كوركەمدەپ وڭدەۋدى، قۇراق تىگۋدى، كەستە تىگۋدى جانە تەرى مەن سازدى وڭدەۋدى ۇيرەتەدى. ورتالىققا 300-گە جۋىق بالا قاتىسا الادى"، - دەپ حابارلادى شولپان قادىروۆا.

ەكى نىسان دا سول جاعالاۋدا، جاعالاۋ شاعىن اۋداندا ورنالاسقان.

كۇردەلى جوندەۋدەن كەيىن بالالار مەن جاسوسپىرىمدەردىڭ تۋريزم جانە ولكەتانۋ ورتالىعى ءوز جۇمىسىن باستادى.

"تەحنيكالىق باعىتتاعى ۇيىرمەلەر وسكەلەڭ ۇرپاق اراسىندا ۇلكەن قىزىعۋشىلىققا يە. سوندىقتان 250-دەن استام بالانى قامتيتىن تەحنيكالىق شىعارماشىلىق ورتالىق اشىلادى. ورتالىقتىڭ فيليالى جەلەزنودوروجنىي ەلدى-مەكەنىندە، جامبىل جاباەۆ كوشەسى، 27 مەكەنجايى بويىنشا جەكە عيماراتتا ورنالاسادى"، – دەدى ءبىلىم باسقارماسىنىڭ باسشىسى.

سونداي-اق، ەلوردادا وقۋشىلار اراسىندا ۇلتتىق ويىندار مەن ۇلتتىق ونەردى ناسيحاتتاۋعا باعىتتالعان Altyn Urpaq جوباسى ىسكە قوسىلدى. جوبا ەلوردالىق 80 مەكتەپتە جۇزەگە اسىرىلىپ، 5340 بالانى قامتىدى. سونىمەن قاتار، وسى جىلدىڭ سوڭىنا دەيىن № 90 ورتا مەكتەپ بازاسىندا تاعى ەكى فيليال مەن ءبىر كوميۋنيتي-ورتالىق اشۋ جوسپارلانۋدا.

كارانتين شارالارىنىڭ كۇشەيۋىنە بايلانىستى جالپى ءبىلىم بەرەتىن مەكتەپتەردە ورنالاسقان قوسىمشا ءبىلىم بەرۋ ۇيىمدارى فيليالدارىنىڭ جۇمىسى توقتاتىلدى. الايدا، 10-نان استام بالا اينالىساتىن ۇيىرمەلەر توپتارى ءوز جۇمىسىن جالعاستىرۋدا.

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار