پرەمەر-مينيستر اسقار مامين قر پرەزيدەنتى جانىنداعى تسيفرلاندىرۋدى ەنگىزۋ ماسەلەلەرى جونىندەگى كوميسسيانىڭ وتىرىسىن وتكىزدى. «تسيفرلىق قازاقستان» مەملەكەتتىك باعدارلاماسىن جەتىلدىرۋ, ىشكى ىستەر ورگاندارىن تسيفرلاندىرۋ جانە جەر تەلىمدەرى مەن ينجەنەرلىك كوممۋنيكاتسيالاردىڭ تسيفرلىق كارتاسىن جاساۋ ماسەلەلەرى قارالدى.
اتقارىلىپ جاتقان جۇمىستار تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ب. مۋسين, ىشكى ىستەر ءمينيسترى ە. تۇرعىمباەۆ, اۋىل شارۋاشىلىعى ءمينيسترى س. وماروۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, ەنەرگەتيكا ءمينيسترى ن. نوعاەۆ بايانداما جاسادى.
اعىمداعى جىلدىڭ ءساۋىر ايىندا مەملەكەت باسشىسى توتەنشە جاعداي رەجيمىندە تسيفرلاندىرۋ جونىندەگى جۇمىستىڭ ناتيجەلەرىنە تالداۋ جاساۋدى جانە بولىنگەن قاراجاتتى قايتا بولە وتىرىپ, «تسيفرلىق قازاقستان» باعدارلاماسىن قايتا قاراۋدى تاپسىردى.
قويىلعان مىندەتتەردى شەشۋ شەڭبەرىندە مەملەكەتتىك ورگاندار, ۇكىمەتتىك ەمەس ۇيىمدار, اكت سالاسىنىڭ ماماندارى جانە بيزنەس-قوعامداستىق وكىلدەرى «تسيفرلىق قازاقستان» جاڭارتىلعان جوباسىنىڭ 10 باسىمدىقتى باعىتىن ازىرلەدى (بۇرىن 5 باعىت). ولار الەۋمەتتىك قاتىناستار سالاسىن تسيفرلاندىرۋدى, ەنەرگەتيكا مەن ونەركاسىپكە ارنالعان «يندۋستريا 4.0» تەحنولوگيالىق پلاتفورماسىن, AgriTech جانە Govtech تەحنولوگيالىق پلاتفورمالارىن قۇرۋدى, ساپالى اكت ينفراقۇرىلىمىن جانە اقپاراتتىق قاۋىپسىزدىكتى قامتاماسىز ەتۋدى, «Smartcity» تەحنولوگيالىق پلاتفورماسىن ىسكە اسىرۋدى, ازاماتتاردىڭ قاۋىپسىزدىك دەڭگەيىن ارتتىرۋعا ارنالعان تسيفرلىق قۇرالداردى, «FinTech» جانە ەلەكتروندىق ساۋدانى, جاساندى ينتەللەكتتى دامىتۋدى جانە يننوۆاتسيالىق ەكوجۇيەنى قۇرۋدى قامتيدى.
مەملەكەتتىك باعدارلامانىڭ جاڭارتىلعان رەداكتسياسىندا مەملەكەتتىك ورگانداردىڭ, دەنساۋلىق ساقتاۋ جانە ءبىلىم بەرۋ جۇيەلەرىنىڭ جۇمىسىن جاقسارتۋ, FinTech سەكتورىنىڭ مۇمكىندىكتەرىن كەڭەيتۋ, اقىلدى قالالار جۇيەسىن ازىرلەۋ, اكت ينفراقۇرىلىمىن دامىتۋ جوبالارىنا ەرەكشە نازار اۋدارىلدى.
پوليتسيا قىزمەتىن تسيفرلاندىرۋ شەڭبەرىندە بىرىڭعاي اقپاراتتىق-تالداۋ جۇيەسىن قۇرۋ جانە ءىىم احۋالدىق ورتالىعىن جاڭعىرتۋ, ازاماتتاردىڭ وتىنىشتەرىن قابىلداۋدىڭ ءتۇرلى ارنالارىن ىقپالداستىرۋ, وبلىس ورتالىقتارىن, رەسپۋبليكالىق ماڭىزى بار قالالار مەن ەلوردانى بەينەباقىلاۋ جۇيەسىمەن تولىق جابۋ, «تسيفرلىق پوليتسەي» جوباسىن ىسكە اسىرۋ, قىلمىستىق-اتقارۋ جۇيەسى مەكەمەلەرىنىڭ كەشەندى قاۋىپسىزدىك جۇيەسىن قۇرۋ جانە باسقا دا شارالاردى ىسكە اسىرۋ كوزدەلگەن.
جەر قورى جانە جىلجىمايتىن م ۇلىك وبەكتىلەرى تۋرالى ۇلتتىق دەرەكقوردى قۇرۋ شەڭبەرىندە «جىلجىمايتىن م ۇلىكتىڭ بىرىڭعاي مەملەكەتتىك كاداسترى» اقپاراتتىق جۇيەسىن قالىپتاستىرۋ, كەڭىستىكتىك دەرەكتەردىڭ ۇلتتىق ينفراقۇرىلىمىن جانە تسيفرلىق اۋىل شارۋاشىلىعى كارتالارىن ازىرلەۋ بويىنشا جۇمىس جۇرگىزىلۋدە.
جەر رەسۋرستارىن تسيفرلاندىرۋ قورىتىندىسى بويىنشا بۇكىل قر اۋماعىندا اشىق پايدالانىلاتىن تسيفرلىق كارتا, جەر قاتىناستارى جانە ساۋلەت سالاسىندا ەلەكتروندىق قىزمەتتەر كورسەتۋ قۇرىلىپ, جەر ۋچاسكەلەرىنە قۇقىق بەرۋ مەرزىمى 1 جىلدان 20 كۇنگە دەيىن قىسقارتىلادى, مەملەكەتتىك اكتى, جەرگە ورنالاستىرۋ جوباسى, سونداي-اق جەر كوميسسياسى الىنىپ تاستالادى.
جالپى, «تسيفرلىق قازاقستان» مەملەكەتتىك باعدارلاماسىن وزەكتەندىرۋ اياسىندا اعىمداعى 125 ءىس-شاراعا قوسىمشا 145 جاڭا ءىس-شارا, 3 جاڭا ينديكاتور جانە 41 كورسەتكىش ازىرلەندى. وسىلايشا, مەملەكەتتىك باعدارلامانىڭ جاڭا نۇسقاسىندا 15 ينديكاتور, 67 كورسەتكىش جانە 270 ءىس-شارا قامتىلعان.
مەملەكەتتىك باعدارلامانى ىسكە اسىرۋ ناتيجەسىندە 2025 جىلعا قاراي مەملەكەتتىك قىزمەتتەردىڭ 100%-ىن ونلاين-فورماتقا كوشىرۋ, تسيفرلاندىرۋ سالاسىنا ينۆەستيتسيالار كولەمىن 500 ملرد تەڭگەگە دەيىن جەتكىزۋ, IT جانە ەلەكتروندىق ونەركاسىپ ەكسپورتىنىڭ كولەمىن 200 ملرد تەڭگەگە دەيىن جەتكىزۋ, 1 مىڭنان استام جاڭا يننوۆاتسيالىق كومپانيالاردى قۇرۋعا جانە 100 مىڭ IT-مامانداردى دايارلاۋعا ىقپال ەتۋ جوسپارلانۋدا.
پرەمەر-مينيستر ۇكىمەت وتىرىسىندا قاراستىرۋ ءۇشىن «تسيفرلىق قازاقستان» مەملەكەتتىك باعدارلاماسىنىڭ جاڭارتىلعان رەداكتسياسىنىڭ جوباسىن ەنگىزۋدى تاپسىردى.
