جالپى, اكتسيا كەزىندە التى مىڭعا جۋىق ەلوردا تۇرعىنىن تۋبەركۋلەزگە قارسى پروفيلاكتيكالىق تەكسەرۋ جوسپارلانعان. قالا تۇرعىندارى ءۇشىن تەگىن فليۋوروگرافيالىق تەكسەرۋ كەلەسى اۋماقتاردا جۇرگىزىلەدى:
- تۇرعىن اۋداندار (پرومىشلەننىي, تەلمان, كۇيگەنجار, ميچۋرينو, زارەچنىي, پريگورودنىي, جەلەزنودوروجنىي, ءوندىرىس, كوكتال جانە ت.ب.);
- قالانىڭ ساۋدا ورتالىقتارى مەن بازارلارى ("داۋلەت", "ارتەم", "الەم", "جاننۇر", "دجافار", "باحۋس", "اسەم", "استىقجان" ساۋدا ۇيلەرى; "ۇلجان", بيگشانحاي, ورتالىق, "قامقور"; "ەۆرازيا" سوو, "ارۋجان", "حان شاتىر" جانە ت.ب.).
فليۋوروگرافيالىق تەكسەرۋمەن قاتار تۋبەركۋلەزدىڭ الدىن الۋ بويىنشا كەڭەستەر الۋعا بولادى. قالا تۇرعىندارىنىڭ قول جەتىمدىلىگىن ارتتىرۋ ءۇشىن دەمالىس كۇندەرى ساعات 11:00-دەن 15:00-گە دەيىن تەكسەرۋدەن وتۋگە بولادى.
سونداي-اق, پوليتسيا دەپارتامەنتىنىڭ قولداۋىمەن تۇراقتى تۇرعىلىقتى جەرى جوق ادامدارعا فليۋوروگرافيالىق تەكسەرۋ جۇرگىزۋ جوسپارلانۋدا. ماماندار تاۋەكەل توبىنداعى ادامدارعا كەڭەس بەرىپ, قاشىقتان كومەك كورسەتەدى.
بۇگىن, ءىس-شارانىڭ ءبىرىنشى كۇنى جىلجىمالى فليۋوروگرافتار كوكتال-1 (كيروۆسكايا سۆا اۋدانى, ارداگەرلەر ك-ءسى, 20), كوكتال-2 (كيم كوشەسى, 4, №5 وتباسىلىق دەنساۋلىق ورتالىعى) ەلدى-مەكەنىنىڭ تۇرعىندارىنا قىزمەت كورسەتتى.
فليۋوروگرافتار كولىگىنىڭ كەلەسى باعىتى قوسىمشا جاريالاناتىن بولادى.
