ۇكىمەت باسشىسى قازاقستاننىڭ جاھاندىق ەكونوميكالىق داعدارىس پەن پاندەميا جاعدايىندا ەكونوميكانى ودان ءارى دامىتۋدى قامتاماسىز ەتۋ بويىنشا قابىلداپ جاتقان شارالارى تۋرالى ايتتى.
"قازاقستاننىڭ 2025 جىلعا دەيىنگى ستراتەگيالىق دامۋ جوسپارى ازىرلەندى, ول وڭدەۋ ونەركاسىبى مەن اۋىل شارۋاشىلىعىندا قوسىلعان قۇنى جوعارى ەكسپورتقا باعدارلانعان وندىرىستەردى ۇلعايتۋ, جەدەلدەتىلگەن تسيفرلاندىرۋدى جۇرگىزۋ, دەنساۋلىق ساقتاۋ جۇيەسىن نىعايتۋ, ينفراقۇرىلىمنىڭ ساپاسى مەن قولجەتىمدىلىگىن جاقسارتۋ جونىندەگى شارالاردى, سونداي-اق باسقا دا اسپەكتىلەردى كوزدەيدى", – دەدى ا.مامين.
ا. مامين ەۋروپالىق وداق ەلشىلەرىن قازاقستاننىڭ ەو-مەن ساۋدا-ەكونوميكالىق جانە ينۆەستيتسيالىق ىنتىماقتاستىعىن قولداۋ بويىنشا ودان ءارى اشىق جانە بەلسەندى ديالوگقا شاقىردى. ءوز كەزەگىندە, وتىرىستا ءسوز سويلەگەن ەو ەلشىسى سۆەن-ولوۆ كارلسسون, گەرمانيا ەلشىسى تيلو يوحانەس كليننەر, نيدەرلاندى ەلشىسى اندرە كارستەنس قازاقستان ەكونوميكاسىنىڭ تۇراقتىلىعىن جانە قازاقستان ۇكىمەتى قابىلداعان داعدارىسقا قارسى شارالاردىڭ جۇيەلىلىگىن اتاپ ءوتتى. تاراپتار پاندەميا سالدارىن ەڭسەرۋ جانە ەكونوميكانى قالپىنا كەلتىرۋ ماسەلەلەرى بويىنشا قازاقستاننىڭ ەۋروپالىق وداقپەن ىنتىماقتاستىعىنىڭ پەرسپەكتيۆالارىن تالقىلادى.
دەنساۋلىق ساقتاۋ سالاسىنداعى ءوزارا ءىس-قيمىل, "جاسىل ەكونوميكانى" دامىتۋ جانە كليماتتىڭ وزگەرۋىنە قارسى كۇرەس, اوك, وڭدەۋ ونەركاسىبى, كولىك, ەنەرگەتيكا, ينفراقۇرىلىمدىق قۇرىلىس سالالارىندا بىرلەسكەن ينۆەستيتسيالىق جوبالاردى ىسكە اسىرۋ ماسەلەلەرى قارالدى. بيىل 1 ناۋرىزدا كۇشىنە ەنگەن قازاقستان مەن ەو اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى كەشەندى ىسكە اسىرۋعا ەرەكشە نازار اۋدارىلدى. بۇل قۇجات ساۋدانى, ينۆەستيتسيانى, يننوۆاتسيالاردى جانە ينفراقۇرىلىمدىق دامۋدى قوسا العاندا, 29 سالانى قامتيدى.
كەزدەسۋگە قازاقستان ۇكىمەتىنىڭ مۇشەلەرى, "اتامەكەن" ۇكپ, "Kazakh Invest" ۇك" اق, "بايتەرەك" ۇبح", "قازاگرو" ۇبح" باسشىلىعى, ەۋروپالىق وداقتىڭ, گەرمانيا, نيدەرلاندى, بەلگيا, رۋمىنيا, ەستونيا, پولشا, شۆەتسيا, يتاليا, سلوۆاكيا, يسپانيا, ليتۆا, حورۆاتيا, چەحيا, گرەتسيا, بولگاريا, فينليانديا, ۆەنگريا, فرانتسيا ەلشىلەرى, پورتۋگاليا, اۆستريا, لاتۆيا وكىلدەرى جانە ت. ب. قاتىستى.
ەو قازاقستاننىڭ نەگىزگى ينۆەستورلارىنىڭ ءبىرى جانە ءىرى ساۋدا سەرىكتەسى بولىپ وتىر. اعىمداعى جىلدىڭ 8 ايىندا تاۋار اينالىمى $15,5 ملرد قۇرادى.
