– قىستىرعىشتىڭ ولشەمى 6 مم/5 مم, ەداۋىر ۇلكەن, – دەيدى مەديتسينا عىلىمىنىڭ دوكتورى, اۋرۋحانانىڭ ەندوسكوپيا ءبولىمىنىڭ برونحولوگى لاريسا پيۋروۆا. – ەندوتراحەالدى تۇتىك پەن برونحوسكوپتىڭ كومەگىمەن ءبىز قىستىرعىشتى الىپ تاستادىق. بۇل جۇمىس فيليگراندى, وتادان كەيىن اسقىنۋلار بولماۋى ءۇشىن تىندەردى زاقىمداماۋ ماڭىزدى. بار ماسەلە بوتەن دەنەنىڭ تەرەڭدەپ, ءتىپتى كورىنبەيتىندىگىندە بولدى.
لاريسا پيۋروۆا – قازاقستاننىڭ ۇزدىك ەندوسكوپيستەرىنىڭ ءبىرى, ونىڭ جۇمىس ءوتىلى 36 جىل. ول بوتەن زاتتاردى الىپ شىعارۋدا تەڭدەسى جوق مامان بولىپ سانالادى. سونىمەن قاتار ول ءوزىنىڭ ديسسەرتاتسياسىنىڭ, كىتاپتارى مەن جازبالارىنىڭ بىربولىگىن وسى پروبلەماعا ارنادى. دارىگەر وتكەن وتا اۋىر بولعانىمەن, ونىڭ تاجىريبەسىندە ودان دا كۇردەلى جاعدايلار بولعانىن ايتادى.
– مەن ءوز ومىرىمدە ءۇش جۇزگە جۋىق وتا جاسادىم, ءتىپتى التى ايلىق بالالارعا دەيىن. بارىنەن بۇرىن, مەن جەتى جاسار بالانىڭ برونحىنا ءوتىپ كەتكەن ينەكتسيالىق ينەنى قالاي الىپتاستاعانىم ەسىمدە. مەن ينەنى بۇگىپ, ونى ءبىر ساعاتتان استام ۋاقىت بويى شىعاردىم. ءبىز برونحتار مەن وكپەدەن ءدارى-دارمەكتەر, قالامدار, بۇرشاق, ءتىس پروتەزدەرىنەن الىنعان بولشەكتەر, تۇقىمدار, جاڭعاقتار, ءتىپتى قاسىقتىڭ سابىن شىعاردىق, وسىنىڭ بارىمەن ناۋقاستار تىنىس الدى.
قازىر جشككا دارىگەرلەرى قۇتقارعان ناۋقاس ۇيىندە. تراحەوبرونحيالدى اعاشتىڭ بوگدە دەنەلەرى ءجيى اسفيكسياعا بايلانىستى ومىرگە ۇلكەن قاۋىپ توندىرەدى نەمەسە وكپەدە قايتىمسىز وزگەرىستەردىڭ ودان ءارى دامۋىمەن سوزىلمالى قابىنۋدى تۋدىرادى.
بوگدە زاتتاردىڭ برونحقا وتۋىنە نەمقۇرايدىلىق باسىم ءرول اتقارادى: كۇتپەگەن جىلدام تىنىس, كۇلكى, قورقىنىش, ەركەلىك, قۇلاۋ, تاماق ءىشىپ وتىرىپ سويلەۋ. 70% بالالار زارداپ شەگەتىن مۇنداي جاعدايلاردىڭ الدىن-الۋ ءۇشىن دارىگەرلەر تاماقتانۋ كەزىندە اۋىز قۋىسىندا بوتەن زاتتارعا بارىنشا مۇقيات بولىپ, جۇتىپ قويماۋعا كەڭەس بەرەدى. جاتىپ الىپ تاماق ىشۋگە بولمايدى, تاماقتانعان كەزدە اسىقپاڭىز, كۇلمەڭىز, كەنەتتەن قيمىل جاساماڭىز, جوتەلمەڭىز. العاشقى كومەك رەتىندە جەدەل جاردەم كەلگەنگە دەيىن ناۋقاستى وزىڭىزگە ارقاسىمەن تىك كۇيىندە ەڭكەيتىپ, كەۋدەسىن ءسال ۇرىپ, تۇرىپ قالعان زاتتى جوتەلمەن شىعارۋىنا كومەكتەسۋ ۇسىنىلادى. كەز كەلگەن جاعدايدا دارىگەردى شاقىرۋ كەرەك.
الماتى
