"قازىر مەكتەپتەردە 3011 كەزەكشى سىنىپتا 40400 وقۋشى ءبىلىم الىپ جاتىر. قالانىڭ باس سانيتارلىق دارىگەرىنىڭ مالىمەتىنە سايكەس, مەكتەپ وقۋشىلارى اراسىندا كوروناۆيرۋس جۇقتىرعاندار انىقتالدى. وقۋ جىلىنىڭ باسىنان بەرى كوروناۆيرۋسپەن اۋىرعان بالالاردىڭ سانى 18-گە جەتتى. ونىڭ 14-ءى قاشىقتان وقيتىندار, تورتەۋى – كەزەكشى سىنىپ وقۋشىلارى", - دەدى ش. قادىروۆا.
ونىڭ ايتۋىنشا, ىندەت جۇقتىرعان بالالاردىڭ سىنىپتارى قاشىقتان وقىتۋ فورماتىنا اۋىستىرىلىپ, نۇر-سۇلتان قالاسىنىڭ تاۋارلار مەن كورسەتىلەتىن قىزمەتتەر ساپاسى مەن قاۋىپسىزدىگىن باقىلاۋ دەپارتامەنتىنىڭ قىزمەتكەرلەرى دەزينفەكتسيا جۇمىستارىن جۇرگىزگەن.
"كارانتين رەجيمىنىڭ مەرزىمى – 14 كۇن. سودان كەيىن سىنىپتار بۇرىنعى رەجيمگە كوشەدى. بۇل ماسەلە ءبىلىم باسقارماسىنىڭ ەرەكشە باقىلاۋىندا بولادى", - دەدى ول.
