ەڭسەلى ەسكەرتكىش جاڭادان بوي كوتەرگەن «وبلىستىق دراما تەاترى» مەكەمەسىنىڭ الدىنا ورناتىلعان. ۇلى ويشىل, عۇلامانىڭ بەينەسى جان-جاقتى دارالىقتا جەتكىزىلگەن. قولادان قۇيىلعان ەسكەرتكىشتىڭ بيىكتىگى 4 مەتر, 3,5 مەترلىك تۇعىرعا ورناتىلعان, جالپى بيىكتىگى 7,5 مەتردى قۇرايدى. سالتاناتتى راسىمدە مەملەكەتتىك حاتشى قىرىمبەك كوشەرباەۆ مەملەكەت باسشىسى قاسىم-جومارت توقاەۆتىڭ باستاۋىمەن يۋنەسكو-نىڭ قولداۋىمەن ء ابۋ ناسىر ءال-ءفارابيدىڭ 1150 جىلدىعى اتاپ ءوتىلىپ جاتقانىن ايتتى.
"حالقىمىزدىڭ ۇستازى, حاكىم ابايدىڭ 175 جىلدىق مەرەيتويى قوعامدا ۇلكەن رۋحاني ىزدەنىستەرگە, جاڭالىقتارعا ارقاۋ بولدى. سوندىقتان ەلباسىنىڭ, پرەزيدەنتىڭ ۇيعارىمدارىنا سايكەس, وسى ەكى رۋحاني تۇلعاعا ارنالعان ەسكەرتكىشتەردىڭ رۋحاني استانامىز تۇركىستاندا تۇرۋى ارينە زاڭدىلىق, ارينە قاجەتتىلىك. ويتكەنى بۇل ەسكەرتكىشتەر جاڭا تاۋەلسىزدىك زامانىندا ءبىزدىڭ رۋحاني جاڭعىرۋىمىزعا قولداۋشى ءارى كۋاگەر بولادى دەگەن ۇمىتتەن شىققان نيەت, شارا", دەدى مەملەكەتتىك حاتشى.
سونداي-اق كوپشىلىك الدىندا ءسوز العان جازۋشى مارحابات بايعۇت قوس عۇلامانىڭ ەل رۋحانياتى مەن عىلىمىنا سىڭىرگەن ەڭبەگى مەن ەسكەرتكىش ورناتۋدىڭ ءمان-ماڭىزىنا توقتالدى.
ايتا كەتەلىك, مەملەكەتتىك حاتشى قىرىمبەك كوشەرباەۆ باستاعان ارنايى دەلەگاتسيا سونداي-اق, تۇركىستان قالاسىنداعى «ۆيزيت» ورتالىعى مەن وتىرار اۋدانىنداعى قايتا جوندەۋدەن وتكەن ءال-فارابي ەستەرتكىشى مەن "داڭقتى بابالار ساياجولى" اللەياسىندا بولدى.
تۇركستان وبلىسى
