بەدەلدى ۇيىم وكىلدەرىمەن كەلىسسوزدەر جۇرگىزىلۋدە

كەشە سىرتقى ىستەر مينيسترلىگىنىڭ رەسمي وكىلى اسقار ابدراحمانوۆ جۋرناليستەرگە ءداستۇرلى بريفينگىن وتكىزدى. وندا رەسمي وكىل بىرقاتار ماڭىزدى ءىس-شارالار جونىندە بايانداپ بەردى. سولاردىڭ ءبىرى “قازاقستان رەسپۋبليكاسىنىڭ اۋماعىندا تمد ەلدەرىنىڭ ازاماتتارىن ءتىر­كەۋ ەرەجەسىندەگى وزگەرىستەرگە” قا­تىستى بولدى. ماسەلەن, قا­زاق­ستان, بەلارۋس جانە رەسەي فە­دەراتسياسى اراسىنداعى كە­دەن وداعىن قالىپ­تاس­تى­رۋ­داعى جوسپارلى جۇمىس شەڭ­بە­رىندە ۇقك, ءىىم جانە ءسىم ءبىر­لەسكەن بۇيرىعىمەن بيىلعى جىلدىڭ 13 ساۋىرىندە “سىرتقى ىستەر مينيسترلىگىنىڭ شەت ەلدەر­دەگى مەكەمەلەرىمەن, قازاقستان رەسپۋبليكاسىنىڭ مەملەكەتتىك شەكاراسىنىڭ وتكىزۋ پۋنكتتەرى­نەن شەكارالىق باقىلاۋ ءبولىم­شە­لەرى ارقىلى تىركەلگەن شەتەل ازاماتتارىن ەسەپكە الۋ ەرەجە­سى­نە” وزگەرىستەر ەنگىزىلگەن. بۇل ەرەجەدە تمد ەلدەرى ازامات­تارى­نا قازاقستان رەسپۋبليكا­سى­نىڭ اۋماعىندا بىرىڭعاي ءتىر­كەۋ ءتارتىبىن  ەنگىزۋگە قاتىستى ءتيىس­تى وزگەرىستەر ايقىندالىپتى. “اتاپ ايتقاندا, قازاقستان اۋما­عىنا كىرگەن تمد ەلدەرىنىڭ ازاماتتارى 5 كۇنتىزبەلىك تاۋلىك ىشىندە ءوزىنىڭ ۋاقىتشا تۇرۋ ور­نىنا سايكەس, ىشكى ىستەر ورگان­دا­رى­نىڭ كوشى-قون بولىمشە­لە­رىندە تىركەلۋى ءتيىس”, دەدى ا.اب­دراحما­نوۆ. ونىڭ ايتۋىنشا, ءدال سول كۇننەن باستاپ, قىرعىز رەسپۋبلي­كاسىنىڭ (90 كۇنگە دەيىن) جانە تاجىكستان رەسپۋب­لي­كاسىنىڭ  (30 كۇنگە دەيىن) ازا­ماتتارىنا قازاقستان رەس­پۋب­ليكاسىنىڭ اۋماعىندا قول­دا­نىستا بولىپ كەلگەن تىركەۋسىز ءجۇرىپ-تۇرۋ ەرەجەسى ءوز كۇشىن جويعان. بريفينگ بارىسىندا ەلباسى ن.نازارباەۆتىڭ كورەيا رەسپۋب­لي­كاسىنا الداعى 21-23 ءساۋىر ارا­لىعىنا جوسپارلانعان مەم­لە­كەتتىك ساپارى جونىندە دە اي­تىل­دى. بۇل مەملەكەتتىك ساپار كورەيا رەسپۋبليكاسىنىڭ پرە­زي­دەنتى لي مەن باكتىڭ قازاق­ستان باسشىسىن ارنايى شا­قى­رۋىنا ورايلاستىرى­لىپ وتىر ەكەن. “جوعارى دەڭگەي­دەگى كەز­دە­سۋلەر بارىسىندا قازاق­ستان رەس­پۋبليكاسى مەن كورەيا رەس­پۋبليكاسى اراسىنداعى جان-جاقتى ستراتەگيالىق ارىپتەس­تىك­تىڭ قازىرگى احۋالىنا جانە دامۋ كەلە­شە­گىنە قاتىستى ماسەلەلەر كەڭىنەن تالقىلانباق. ساپاردىڭ العاشقى كۇنى ەلباسى نۇرسۇلتان نازارباەۆ قازاقستاننىڭ كو­رەيا­داعى جىلى­نىڭ اشىلۋ ءرا­سى­مىنە قاتىسادى”, دەدى رەسمي وكىل بۇل تۋراسىندا. سونداي-اق, ساپار بارىسىندا قازاقستان-كورەيا بيزنەس-فو­رۋ­مى ۇيىمداستىرىلىپ, ەكى ەلدىڭ مەملەكەتتىك ورگاندارى مەن كوم­پانيالارى اراسىندا ءبىر­قا­تار ەكىجاقتى قۇجاتتارعا قول قويىلادى دەپ كوزدەلىپ وتىر ەكەن. سونداي-اق, رەسمي وكىل ەقىۇ-عا توراعالىعى كەزىندە قازاقستاننىڭ قىرعىزستانداعى جاعدايعا بايلانىستى ارنايى ميسسياسى بەلگىلەنگەنىن, بۇل ءبىرىنشى كەزەكتە كورشى مەملە­كەت­تەگى ەڭ وتكىر تۇرعان ماسەلەلەردى وڭتايلاندىرۋ مەن ەلدەگى تۇراق­تىلىقتى قايتا قالپىنا كەل­تىرۋگە باعىتتالاتىنىن اتاپ ءوتتى. “ەقىۇ-نىڭ ءىس باسىنداعى ءتور­اعاسىنىڭ ارنايى وكىلى, پارلا­مەنت ءماجىلىسىنىڭ ۆيتسە-سپيكەرى جانىبەك كارىبجانوۆ كۇردەلى جاعداي ورىن العان العاشقى كۇننەن بەرى قىرعىزستاندا ءجۇر. ول بۇۇ, ەۋرووداق, ۇجىمدىق قاۋىپسىزدىك شارت ۇيىمى مەن باسقا دا بەدەلدى ۇيىم وكىلدەرى­مەن ءوزارا كەلىسسوزدەرگە بەلسەندى قاتىسۋدا. بۇل كەلىسسوزدەر قىرعىزستانداعى ماسەلەلەردى جۇيەلەندىرۋگە, وڭ ناتيجەلەرگە قول جەتكىزۋگە ىقپال ەتەدى دەگەن ويدامىز”, دەدى ا.ابدراحمانوۆ قورىتىندىسىندا. ءلايلا ەدىلقىزى.