" ۇلى دالا اقىندارى" جوباسى اياسىندا وتكىزىلگەن شاراعا 7-12-سىنىپ وقۋشىلارى قاتىستى. جاس زياتكەرلەر جۇبان اقىننىڭ "قىزىل گالستۋك" پوەماسىن وقىپ, مازمۇنىن سۋرەت ارقىلى شىعارماشىلىعىمەن جەتكىزدى. بايقاۋعا 13 جۇمىس كەلىپ ءتۇستى. وقۋشىلار شىعارمانىڭ ءمان-ماعىناسىن ءتۇسىنىپ, تالداي وتىرىپ, كوركەم-ەستەتيكالىق تۇرعىدا كرەاتيۆتىلىكتەرىن كورسەتە الدى.
"بۇل شارا - بالانىڭ كىتاپ وقۋعا دەگەن قىزىعۋشىلىعىن ارتتىرۋدا ءتيىمدى ءادىس ەكەنىن كورسەتتى. وقۋشىلار تىلدىك ورالىمى كۇردەلى شىعارمانىڭ تاريحي قۇندىلىعىن قالاممەن بەينەلەي العان", دەيدى قازاق ءتىلى ءپانىنىڭ مۇعالىمى گاۋحار مانانباي.
جاۋىنگەر اقىننىڭ "قىزىل گالستۋك" پوەماسى 1941 جىلى ۇلى وتان سوعىسى كەزىندەگى اۋىر تۇرمىستى بەينەلەيدى. وقيعا وقىرمانداردىڭ بويىندا ۇلتجاندىلىق, باتىلدىق سەكىلدى قاسيەتتەردى دامىتىپ, ەرلىك جاساۋعا شاقىرادى.
وقۋشىلاردىڭ شىعارماشىلىعىن قازاق ءتىلى مەن ادەبيەتى جانە ونەر ءپانىنىڭ مۇعالىمدەرى باعالادى. سايىس قورىتىندىسى بويىنشا 11-سىنىپ وقۋشىسى نۇراي توقسانباي جەڭىمپاز اتانسا, جۇلدەلى ەكىنشى ورىندى 8-سىنىپتان الينا شاكەتوۆا جانە 11-سىنىپتان نۇراي امانكەلدى ءبولىسىپ الدى. ال 8-سىنىپ وقۋشىسى ءدىلمۇراد قوزباقوۆ , 7-سىنىپ وقۋشىسى دينا جانۇزاقوۆا جانە 11-سىنىپ وقۋشىسى ديانا كاميل ءۇشىنشى ورىندى يەلەندى.
"جەڭىمپازدىڭ جۇمىسى اكۆارەلمەن بوياۋ تەحنيكاسىندا سالىنعان. سۋرەت تولىق اياقتالعان, بويالعان جانە اۆتور ءوز ويىن اشا العان. سۋرەت سالۋدىڭ بارلىق زاڭدىلىعى ساقتالعان", ونەر ءپانىنىڭ مۇعالىمى ء مولدىر تەڭىزباي
