قازاقستان • 23 قازان، 2020

پتر-تەست تاپسىرعان ادامداردى 5G كومەگىمەن باقىلايدى – فەيك

الەۋمەتتىك جەلىلەر مەن مەسسەندجەرلەردە بۇل فەيك اقپارات بەلسەندى تاراتىلۋدا. اۆتوردىڭ ايتۋىنشا، ءبىر نەمىس دارىگەرى پتر سىناقتار الۋعا ارنالعان زوندتاردى زەرتتەپ، ولاردان مەتالل قاپسىرمالاردى تاپقان. كەيبىر پايدالانۋشىلاردىڭ پايىمداۋىنشا، ولار جۇتقىنشاقتا قالادى جانە 5G سيگنالىن قابىلداپ، ادامنىڭ وي-ساناسىن باسقارادى. بۇل تۋرالى stopfake.kz حابارلادى.

اقمارال اعزامقىزى

StopFake.kz بۇل تەوريانىڭ نەگە بۇرىس ەكەنىن ايتادى.

بىرىنشىدەن، پتر سىناقتارى ۆيسكوزا انجىسى بار ارنايى پوليستيرول زوندتاردىڭ كومەگىمەن الىنادى. ولاردا مەتالل بولشەكتەر جوق.

ەكىنشىدەن، 5G-ءدى وي-سانانى باسقارۋ ءۇشىن پايدالانۋ مۇمكىن ەمەس. بۇل – جاڭا بۋىنداعى ۇيالى بايلانىستىڭ ستاندارتى. ول قازىرگى ءوزىمىز داعدىلانعان 3G جانە 4G پرينتسيپىمەن جۇمىس ىستەيدى. الەمدە ونىڭ كومەگىمەن بىرەۋدىڭ وي-ساناسىن باسقارعان جاعدايلار بولعان جوق.

5G-ءدىڭ ەرەكشەلىگى – بۇل فورمات جوعارى وتكىزۋ قابىلەتتىلىگىن قامتاماسىز ەتەدى، ياعني كەڭ جولاقتى ينتەرنەتتى قولجەتىمدى ەتەدى. العاشقى pre-5g بازالىق ستانتسياسى 2015 جىلى بارسەلونادا ىسكە قوسىلعان. 2016 جىلى بۇل تەحنولوگيا ءبىرىنشى رەت رەسەيدە سىنالدى. سول كەزدە دەرەكتەردى تاراتۋ جىلدامدىعى 4،5 گبيت/سەك قۇراعان.

ۇشىنشىدەن، قولدانىستاعى 3G جانە 4G سيگنالدارىن مەتالل بولىگىمەن ۇستاۋ مۇمكىن ەمەس. بۇل مالىمدەمە جاڭا فورماتتاعى جەلىگە قوسىلۋعا قاتىستى. ول ءۇشىن سىزگە كەم دەگەندە بىر انتەنناسى بار جانە ينتەرنەتكە قوسىلا الاتىن سمارتفون، پلانشەت نەمەسە باسقا قۇرىلعى قاجەت بولادى. بۇگىنگى كۇنى تەك ميكروسكوپپەن عانا كورۋگە بولاتىن كىشكەنتاي انتەننالار جوق.

دەمەك، پتر-تەستتەر ارقىلى 5G مەتالل بولشەكتەردىڭ ەنگىزىلەتىنى تۋرالى مالىمدەمە شىندىققا جاناسپايدى.

بۇل جاڭا فورماتتاعى جەلى اينالاسىنداعى العاشقى ميف ەمەس.

بۇعان دەيىن جەلى قولدانۋشىلارى 5G جەلىلەرى COVID-19 تاراتادى دەگەن بولاتىن. ددسۇ بۇل مالىمدەمەنى جوققا شىعاردى. ۇيىمنىڭ حابارلاۋىنشا، ۆيرۋستار راديو جانە ينتەرنەت سيگنالدارى ارقىلى تارالمايدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز