بۇگىندە موڭعوليادا 126 مىڭنان استام قازاق تۇرادى. ونىڭ 4 مىڭعا جۋىعى ەردەنەت قالاسىندا قونىستانعان. بايان-ولگەي ايماعىنان باسقا وڭىرلەردە قازاق ءتىلىنىڭ جاعدايى كوڭىل قۋانتارلىق ەمەس. وسى ورايدا "وتانداستار قورى" كەاق ەردەنەت قالاسىنداعى قازاق مادەني ورتالىعىنا ونلاين سىنىپ اشۋعا قاجەتتى ينتەراكتيۆتى قۇرىلعىلار توپتاماسىن جىبەرگەن بولاتىن. سونداي-اق, موڭعوليانىڭ حوبدا ايماعىنا ەكىنشى توپتاما جىبەرۋ جوسپارلانعان.
قازاق بالالارى تىكەلەي ەفيردە وتەتىن ساباقتارعا قاتىسىپ, انا ءتىلىن جەتىلدىرۋ ۇستىندە. ساباق Microsoft Teams پلاتفورماسى ارقىلى وتەدى. ساباقتارعا قاتىسۋ ءۇشىن, "OQ-BILIM" تەلەگرام كانالىنا جازىلىپ, ارنايى سىلتەمەلەر ارقىلى ءوتۋ قاجەت.
