ايماقتار • 22 قازان، 2020

شەتسىز قالا اياسىندا شەت اۋداندار دامىپ كەلەدى

25 رەت كورسەتىلدى

"الماتى-2050" دامۋ ستراتەگياسىنا سايكەس قالا اۋداندارىندا ءومىر ءسۇرۋدىڭ جوعارى ستاندارتتارى قاراستىرىلعان، دەپ حابارلايدى Egemen.kz.

الماتى وبلىسىنىڭ قالا ماڭىنداعى اۋداندارى الماتىمەن تىعىز بايلانىستا دامىپ كەلەدى. شەتسىز قالا باعدارى بويىنشا دامۋ ستاندارتى ورتالىق پەن قالا ماڭىنداعى اۋداندارداعى الشاقتىقتى جويۋعا مۇمكىندىك بەرەدى.

الماتى قالاسىنىڭ اكىمى باقىتجان ساعىنتاەۆتىڭ الماتىنى دامىتۋ ستراتەگياسى اياسىندا «شەتسىز قالا» قاعيداسىنا ەرەكشە كوڭىل بولەتىنى بەلگىلى، جاتىن اۋدانداردى دامىتۋ، مەگاپوليستىڭ بارلىق اۋداندارىندا تۇرعىلىقتى جەرىنە قاراماستان حالىقتىڭ جوعارى ءومىر ءسۇرۋ ستاندارتتارىن قامتاماسىز ەتۋدى ماقسات ەتەتىن قالا باسشىلىعىنىڭ تاپسىرماسىنا وراي الاتاۋ اۋدانىندا تۇرعىندار تاراپىنان بۇرىننان بەرى بىرنەشە رەت كوتەرىلگەن كوكەيكەستى ماسەلەلەر شەشىمىن تابۋدا. وسى ورايدا الماتى قالاسى وڭىرلىك كوممۋنيكاتسيالار قىزمەتىنىڭ ۇيىمداستىرۋىمەن وتكەن ءباسپاسوز تۋرى اياسىندا الاتاۋ اۋدانى اكىمى ازامات قالدىبەكوۆ اۋماقتىڭ دامۋ بارىسىمەن تانىستىردى.

ءباسپاسوز تۋرى بارىسىندا «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا اشىلعان الاتاۋ اۋدانى اكىمى اپپاراتىنىڭ عيماراتىنداعى «اشىق اكىمدىك» فرونت-ءوفيسىنىڭ جۇمىسى تانىستىرىلدى. جوبانىڭ ماقساتى – مەملەكەتتىك ورگانداردىڭ ازاماتتار ءۇشىن قولجەتىمدىلىگىن ارتتىرۋ، كەدەرگىسىز ورتا قالىپتاستىرۋ، حالىققا ء«بىر تەرەزە» قاعيداتى بويىنشا قىزمەت كورسەتۋ. «مۇندا اباتتاندىرۋ، تۇرعىن ءۇي-كوممۋنالدىق شارۋاشىلىق، كاسىپكەرلىك جانە الەۋمەتتىك سالانى قامتيتىن 4 ءبولىم جۇمىس ىستەيدى. سونىمەن قاتار، اۋدان اكىمدىگىنىڭ قۇزىرەتىنە كىرمەيتىن جەر قاتىناستارى، ساۋلەت جانە باسقا قالالىق باسقارمالارعا قاتىستى ماسەلەلەر دە بار»،- دەپ اتاپ وتكەن اۋدان اكىمى ا. قالدىبەكوۆ وسىعان وراي  مامانداردىڭ جۇمىسى ۇيىمداستىرىلىپ، اپتاسىنا ەكى رەت قالا تۇرعىندارىن قابىلدايتىندىعىن جەتكىزدى.

اۋداندا «الاتاۋ انالارى» قورىنىڭ ۇلگىسىندە حالىقتىڭ الەۋمەتتىك-سەزىمتال توپتارىنا كومەك كورسەتەتىن قوعامدىق قورلاردىڭ قىزمەتى دە تانىستىرىلدى. مۇندا  تىگىنشى، ۆيزاجيست، شاشتاراز، سانگەر بولىپ 12  مامان جۇمىس ىستەيدى. قور سونىمەن قاتار ايەلدەر مەن بالالاردى تىگىن ىسىنە، كوسمەتولوگياعا، بيگە، مۋزىكالىق اسپاپتارعا ۇيرەتۋگە مۇمكىندىك بەرەدى. كۇنى بۇگىنگە دەيىن 2500-دەن استام ادام وقىتىلعان. سونىمەن قاتار، «جۇمىسپەن قامتۋ جول كارتاسى» مەملەكەتتىك باعدارلاماسى اياسىندا جۇزەگە اسىرىلىپ جاتقان اقبۇلاق شاعىن اۋدانىنداعى سكۆەردى اعىمداعى جوندەۋ جوباسى تانىستىرىلدى. ساياباقتا بالالار مەن سپورت الاڭدارى، جەكپە-جەك الاڭدارى ورنالاستىرىلىپ، ينفراقۇرىلىمى تۇرعىندار ىڭعايىنا قاراي جاراقتاندىرىلعان. اۋدان اكىمىنىڭ ايتۋىنشا، ساياباقتا بالالارعا ارنالعان ويىن الاڭدارى جانە دەمەۋشىلەردىڭ كۇشىمەن سپورتتىق مانەج ورناتىلعان. بۇگىنگى تاڭدا تاەكۆوندو، كاراتە، بوكس، كۇرەس جانە كۋدو سياقتى سپورت تۇرلەرىمەن جاتتىعۋعا مۇمكىندىك بار.

الاتاۋ اۋدانىندا سونىمەن بىرگە «شىڭعا ورلەۋ» باعدارلاماسى اياسىندا «دومبىرا ورتالىعى» الەۋمەتتىك نىسانى اشىلدى. دەمەۋشىلەردىڭ كومەگىمەن ورتالىققا قۇرال-سايماندار ساتىپ الىنىپ، عيماراتقا جوندەۋ جۇمىستارى جۇرگىزىلگەن. بۇگىندە ورتالىقتان 100 بالا دومبىرا ويناۋ داعدىسىن مەڭگەرگەن.

ابباتتاندىرۋ بارىسىندا شاڭىراق-2 شاعىناۋدانى، «شاپاعات» شاعىن ماڭى، سونداي-اق، «ۇلجان»  شاعىن اۋدانىنداعى سپورت ايماعى تانىستىرىلدى. وندا جاقىندا فۋتبول الاڭىنىڭ اشىلۋى ءوتتى. اۋماقتا جاتتىعۋ قۇرىلعىلارى ورناتىلعان workout ايماعى بار. اتالعان نىسان بيزنەستىڭ الەۋمەتتىك جاۋاپكەرشىلىگى اياسىندا سالىندى. سونىمەن قاتار ساياباقتى جوندەۋ جۇمىستارىمەن تانىستى. ءۇش گەكتار اۋماقتى الىپ جاتقان اۋماقتا بالالار، باسكەتبول، workout الاڭدارى ورنالاسقان. اۋدانداعى 13 شاعىن اۋدانىندا ۇزىندىعى 108،2 كم بولاتىن جاڭا جولداردىڭ قۇرىلىسى جۇرگىزىلۋدە.

الماتى

 

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار