ۆيتسە-پرەمەر ە. توعجانوۆ قۇتتىقتاۋ سوزىندە مەملەكەت باسشىسى مەن ۇكىمەتتىڭ اتىنان ەلىمىزدىڭ بارلىق مەديتسينا قىزمەتكەرلەرىنە قاجىرلى ەڭبەكتەرى ءۇشىن شىن جۇرەكتەن العىسىن ءبىلدىردى. ەل باسشىلىعى ساپالى مەديتسينالىق كومەك كورسەتۋ ءۇشىن اۋرۋحانالاردى زاماناۋي مەديتسينالىق جابدىقتارمەن جابدىقتاۋ بويىنشا شارالار قابىلدانعانىن ەرەكشە اتاپ ءوتتى.
جىلجىمالى مەديتسينالىق كەشەندەر وتاندىق اۆتوكولىك نەگىزىندە قۇرىستىرىلعان جانە كوشپەلى جاعدايدا ازاماتتاردىڭ دەنساۋلىعىن تەكسەرۋدىڭ كەڭ سپەكترىنە ارنالعان. كەشەن تسيفرلىق قۇرالدارمەن جابدىقتالعان 7 مامانداندىرىلعان كابينەتتەن تۇرادى: جالپى قابىلداۋ كابينەتى, جالپى تاجىريبەلىك دارىگەر زوناسى, تالداۋلاردى قابىلداۋ زوناسى, ءدارىحانا پۋنكتى, فۋنكتسيونالدىق دياگنوستيكا تەستىلەرى, اكۋشەر-گينەكولوگ كابينەتى, ساۋلەلىك دياگنوستيكا كابينەتى.
سونىمەن قاتار, ءموبيلدى مەديتسينالىق ورتالىقتا ارنايى قورعاسىنمەن قاپتالعان بولمە ورناتىلعان, وندا رەنتگەن جانە فليۋوروگرافيانى قاۋىپسىز جاساۋعا بولادى. جۇيەنىڭ باسقا ادامنىڭ جاردەمىنە مۇقتاج جاندار ءۇشىن ينفراقۇرىلىمدىق جۇيەمەن جابدىقتالۋى وتە ماڭىزدى — پاندۋس-ليفت مۇمكىندىگى شەكتەۋلى ادامداردى قابىلداۋدى قولجەتىمدى ەتەدى.
اتالعان كەشەندەر اۋدان ورتالىقتارىنان 100 شاقىرىمنان استام قاشىقتىقتا ورنالاسقان اۋىلدىق وكرۋگتەردە مەديتسينالىق قىزمەتتەردى جوعارى دەڭگەيدە كورسەتۋگە مۇمكىندىك بەرەدى.
اعىمداعى جىلدىڭ 23 قازانىنا دەيىن قازاقستاننىڭ وڭىرلەرى 100 جىلجىمالى مەديتسينالىق كەشەنمەن قامتاماسىز ەتىلەدى.
ءوز كەزەگىندە مەديتسينا قىزمەتكەرلەرى مەملەكەت تاراپىنان جان-جاقتى قولداۋ كورسەتىلىپ كەلە جاتقانىنا زور ريزاشىلىقتارىن ءبىلدىردى. وسىنداي كەشەندەردىڭ ارقاسىندا دارىگەرلەر اۋىل تۇرعىندارىنا ساپالى كومەك كورسەتىپ, قازاقستان ازاماتتارىنىڭ دەنساۋلىعى مەن ءومىر ءسۇرۋ ۇزاقتىعىن جاقسارتا الاتىنىن اتاپ ءوتتى.
