وتانىڭ بىرەگەي ءادىسىن ەنگىزگەن ۇزدىكتەر ۇلتتىق زياتكەرلىك مەنشىك ينستيتۋتىنىڭ پاتەنتىنە يە بولدى. وپەراتسيانىڭ بۇل ءتۇرىن 1,5 جىل بويى زەرتتەگەن توپقا تۇركىستان قالاسىنداعى №3-ءشى پەريناتالدى ورتالىعىنىڭ باس دارىگەرى, ونكو-گينەكولوگ نۇرجان ماحمۋدوۆ باسشىلىق ەتكەن.
مەديتسينا سالاسىندا 33 جىل قىزمەت اتقارىپ جۇرگەن بىلىكتى دارىگەردىڭ ايتۋىنشا, وتانىڭ جاڭا ءتاسىلى دۇنيەجۇزى بويىنشا العاش رەت قولدانىسقا ەنگىزىلۋدە. "جۇكتى ايەلدەر اراسىندا ءسابيدىڭ پلاتسەنتادان اجىراۋى - ءجيى كەزدەسەتىن اسقىنۋلار. كوپ مولشەردە قان جوعالتۋ - انا مەن بالا ومىرىنە دە اسا قاۋىپتى جاعداي. جاڭادان ويلاپ تاپقان ءادىسىمىز بويىنشا سيستەما ارقىلى جاتىرداعى قان تامىرلارىن بايلاپ قان كەتۋدى ۋاقىتشا توقتاتامىز. بۇل ەمدىك شارانى ءارى قاراي جوسپارلاۋعا, جەدەل كومەك كەلگەنشە نەمەسە شالعاي اۋداندارعا بىلىكتى حيرۋرگ-دارىگەر جەتكەنگە دەيىن قاندى جوعالتپاۋعا مۇمكىندىك بەرەدى", دەيدى نۇرجان تالعاتبەك ۇلى.
ارنايى ساراپشى-مامانداردىڭ تالداۋىنان وتكەن بۇل ءادىستى الداعى ۋاقىتتا وڭىردەگى ارىپتەستەرىنە ەگجەي-تەگجەيلى ءتۇسىندىرۋ ماقساتىندا ارنايى سەمينارلار ۇيىمداستىرىلماق. سونىمەن قاتار, دارىگەرلەر جاتىرعا ەندوسكوپيالىق ادىسپەن وتا جاساۋدىڭ دا جاڭا ءتاسىلىن زەرتتەپ, حالىقارالىق پاتەنتكە ۇسىنۋدى جوسپارلاۋدا. ايتا كەتەلىك, تۇركىستان وبلىستىق №3-ءشى پەريناتالدى ورتالىقتىڭ دارىگەرلەرى بۇل ءادىس بويىنشا 10 رەت وتا جاساعان. بارلىعى دا ءساتتى وتكەن.
تۇركىستان وبلىسى
