ونىڭ ايتۋىنشا, باعانىڭ ءوسۋى ماۋسىمدىق سيپاتقا يە. ءداستۇر بويىنشا, بۇل قاڭتاردان باستاپ ساۋىرگە دەيىن بايقالادى. مامىر ايىنان باستاپ, جاڭا ءونىم تۇسۋمەن باعا تومەندەيدى.
سونداي-اق, باعالاردا وندىرۋشىلەردىڭ شيكىزاتقا, بۋىپ-ءتۇيۋ ماتەريالدارىنا شىعىستارىنىڭ قىمباتتاۋى, كولىك شىعىستارى كورسەتىلەدى, جوعارى ۇستەمە باعا بەلگىلەيتىن دەلدالدار دا اسەر ەتەدى.
"باعانى تۇراقتاندىرۋ ماقساتىندا بىرقاتار شارالار قابىلدانۋدا. "اينالىم مەحانيزمى" بويىنشا 20 مىڭ توننا ونىمگە كەلىسىمشارتتار بار. 7 سۋبەكتىمەن ("ايكىن ساپا", "مير كرۋپ", "ماگنۋم", "اكمول", "تۋركۋاز", "ۆەرماكس", "اا اگرو") كەلىسىم-شارتقا قول قويىلىپ, 3,6 ملرد تەڭگە نەسيە ءبولىندى. بۇل ءىرى ساۋدا وبەكتىلەرىندە الەۋمەتتىك ماڭىزدى ازىق-ت ۇلىك ونىمدەرىن تىركەلگەن باعالار بويىنشا ساتۋعا مۇمكىندىك بەرەدى", - دەدى سپيكەر تاۋارلاردى اتاپ شىعىپ.
مىسالى, جەلتوقساننان باستاپ 2021 جىلدىڭ مامىر ايىنا دەيىن كارتوپ, پياز, قىرىققابات, ءسابىز, كەلەسى جىلدىڭ ساۋىرىنە دەيىن كۇرىش پەن قاراقۇمىق جارماسى مەن كۇنباعىس مايىنىڭ باعاسى بەكىتىلدى. 2021 جىلدىڭ سوڭىنا دەيىن ازىق-ت ۇلىكتىڭ تاعى 10 تۇرىنە باعا تۇراقتى بولادى. ونىڭ ىشىندە ءسۇت ونىمدەرى, جۇمىرتقا, ۇن, قۇس ەتى, ماكارون ءونىمى بار.
"باعا كوتەرىلگەن جاعدايدا تۇراقتاندىرۋ قورىنىڭ قورلارىنان تاۋار ينتەرۆەنتسيالارى جەدەل جۇرگىزىلەدى. قازىر 6 ساۋدا وبەكتىسىندە ("ماگنۋم"», "استىقجان", "ۆكۋسمارت", "اقمول", "شاپاعات" جانە "سمولل") قانتتىڭ تاۋارلىق ينتەرۆەنتسيالارى كگ ءۇشىن 220 تەڭگەدەن اسپايتىن باعا بويىنشا جۇرگىزىلەدى", - دەدى ەرمولدينا.
ونىڭ مالىمەتىنشە, قوردا 912 توننا قانت بار.
نان باعاسىن تۇراقتاندىرۋ بويىنشا وتاندىق وندىرۋشىلەردەن ۇن ساتىپ الۋعا جەرگىلىكتى بيۋدجەتتەن قوسىمشا 600 ملن تەڭگە ءبولىندى. بۇل ۇن قىركۇيەك ايىندا كەلەسى ەگىن جينالعانعا دەيىن جەتكىلىكتى.
