ء"بىز ءموبيلدى توپتار قۇرىپ, ادام كوپ جينالاتىن ورىندارىندا - ساۋدا ورتالىقتارىندا, بازارلاردا, ويىن-ساۋىق مەكەمەلەرىندە جانە ت.ب. قورعانىس ۆەدومستۆولارىندا اسكەري ەسەپتە تۇرماعان اسكەري جاستاعى ادامداردى انىقتاۋعا جانە ىزدەۋگە باعىتتالعان اشىق ءىس-شارالار ۇيىمداستىرامىز.
ايماقتاردان ەلورداعا كەلىپ, تىركەۋ ەرەجەلەرىن بۇزعان كوپتەگەن جاستار انىقتالدى. ويتكەنى, ەگەر تىركەۋ بولماسا, سايكەسىنشە ولار اسكەري ەسەپتە جوق. وڭىرلەردىڭ شاقىرۋ كەڭسەلەرى ولاردى ءۇي مەكەن-جايلارىنان تابا المايدى, ويتكەنى بۇل ازاماتتار ەلورداعا جانە باسقا دا مەگاپوليستەرگە بۇرىنعى تىركەلگەن جەرىندەگى اسكەري ەسەپكە الىنباي كەتىپ قالادى.
ءبىزدىڭ پوليتسيامەن بىرلەسكەن ءىس-شارالارىمىزدىڭ ناتيجەسىندە نورماتيۆتىك ەرەجەلەرگە سايكەس اسكەري ەسەپكە الۋ جانە قالاعا كەلەتىن بىرقاتار ازاماتتاردى تىركەۋ جىل سايىن جۇرگىزىلىپ كەلەدى. سونىمەن بىرگە اسكەري جاستاعى جاستاردى مەديتسينالىق شاقىرۋ كوميسسياسىنان وتۋگە جىبەرەدى. بوساتىلۋعا جانە مەرزىمدى اسكەري قىزمەتكە شاقىرىلۋعا قۇقىعى جوقتار كوميسسيانىڭ شەشىمى بويىنشا كونستيتۋتسيالىق بورىشىن ورىنداۋ ءۇشىن جەدەل اسكەري قىزمەتكە جىبەرىلەدى", - دەدى ەلوردا قورعانىس ىستەرى جونىندەگى دەپارتامەنتى باستىعىنىڭ ورىنباسارى ارتۋر كاسكاراۋوۆ.
تاجىريبە كورسەتكەندەي, جىل سايىن ەلوردادان جەدەل اسكەري قىزمەتكە شاقىرىلاتىن جاس ساربازداردىڭ 20-25% -ى رەيدتەر بارىسىندا انىقتالعان اسكەريلەر. قۇقىق قورعاۋ ورگاندارى بۇل شارالاردىڭ كەلگەن جاستاردىڭ جۇمىسپەن قامتىلۋىنا وڭ اسەر ەتەتىنىنە سەنىمدى.
